|    Mar 23 Thu, 2017 10:03 am
FLASH NEWS

വേനലവധി ക്ലാസുകള്‍ക്ക് ജില്ലയില്‍ വിലക്ക്

Published : 3rd May 2016 | Posted By: SMR

കൊല്ലം: വേനലവധിക്കാലത്ത് ജില്ലയിലെ സി ബി എസ് ഇ, ഐ സി എസ് ഇ ഉള്‍പ്പടെയുള്ള സ്‌കൂളിലും കോളേജുകളിലും മേയ് 20 വരെ ക്ലാസുകള്‍ നടത്തുന്നത് വിലക്കിക്കൊണ്ട് ജില്ലാ കലക്ടര്‍ എ ഷൈനാമോള്‍ ഉത്തരവിറക്കി.

പ്രഫഷനല്‍ കോളജുകള്‍ക്ക് ഇത് ബാധകമല്ല. എല്ലാ പരീക്ഷകളും നേരത്തെ നിശ്ചയിച്ചിട്ടുള്ള തിയ്യതികളില്‍ നടക്കും. അന്തരീക്ഷ താപം ക്രമാതീതമായി വര്‍ധിച്ച സാഹചര്യത്തിലാണ് ഉത്തരവ്.
സൂര്യതാപം, നിര്‍ജലീകരണം തുടങ്ങിയവ കാരണമുണ്ടാകുന്ന അത്യാഹിതങ്ങള്‍ ഒഴിവാക്കാനാണിത്.
എല്ലാ സ്‌കൂളുകളുടെയും കോളജുകളുടെയും മേധാവികള്‍, മാനേജര്‍മാര്‍, മറ്റ് ചുമതലപ്പെട്ടവര്‍ എന്നിവര്‍ ഉത്തരവ് കര്‍ശനമായി പാലിക്കണമെന്നും ജില്ലാ കലക്ടര്‍ അറിയിച്ചു.സംസ്ഥാന ദുരന്ത നിവാരണ അതോറിറ്റിയുമായി ദിവസംതോറും നടത്തുന്ന അവലോകനത്തിന്റെ അടിസ്ഥാനത്തില്‍ കാലാവസ്ഥയില്‍ പുരോഗതിയുണ്ടാകുകയാണെങ്കില്‍ നിയന്ത്രണത്തില്‍ അയവ് വരുത്തുമെന്ന് കലക്ടര്‍ പറഞ്ഞു.

(Visited 53 times, 1 visits today)
thanur-inner madani-inner abdulla-iner     PER Mazhappody-inner karimbu-inner                  
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക