|    Oct 19 Thu, 2017 4:52 pm
FLASH NEWS

വേങ്ങര ഉപതിരഞ്ഞെടുപ്പ് : ചെലവ് പരിശോധന തുടങ്ങി

Published : 4th October 2017 | Posted By: fsq

 

മലപ്പുറം: വേങ്ങര നിയമസഭാ ഉപതിരഞ്ഞെടുപ്പില്‍ മല്‍സരിക്കുന്ന സ്ഥാനാര്‍ഥികളുടെ പ്രതിദിന ചെലവുകളുടെ പരിശോധന തുടങ്ങി. മൂന്ന് ഘട്ടങ്ങളിലായി നടക്കുന്ന പരിശോധനയുടെ ആദ്യഘട്ടം ഇന്നലെ കലക്ടറേറ്റില്‍ നടന്നു. രണ്ടാംഘട്ട പരിശോധന ഒക്ടോബര്‍ ആറിനും മൂന്നാംഘട്ടം ഒക്ടോബര്‍ ഒമ്പതിനും നടക്കും. സ്ഥാനാര്‍ഥിയോ സ്ഥാനാര്‍ഥി അധികാരപ്പെടുത്തിയ വ്യക്തിയോ ചെലവ് രജിസ്റ്റര്‍, ബാങ്ക് പാസ്ബുക്ക്, ബില്ല്, വൗച്ചര്‍ എന്നിവ സഹിതം പരിശോധനാ തിയ്യതികളില്‍ രാവിലെ 10ന് കലക്ടറേറ്റില്‍ ഹാജരാവണമെന്ന് നോഡല്‍ ഓഫിസര്‍ അറിയിച്ചു.  അതേസമയം, ഉപതിരഞ്ഞെടുപ്പിനോടനുബന്ധിച്ച് ഇലക്‌ട്രോണിക് വോട്ടിങ് യന്ത്രങ്ങളുടെ റാന്റമൈസേഷന്‍ തിരഞ്ഞെടുപ്പ് പൊതുനിരീക്ഷകന്‍ അമിത് ചൗധരിയുടെ നേതൃത്വത്തില്‍ ജില്ലാ കലക്ടര്‍ അമിത് മീണ നിര്‍വഹിച്ചു. രാഷ്ട്രീയപ്പാര്‍ട്ടി പ്രതിനിധികളും തിരഞ്ഞെടുപ്പ് ഉദ്യോഗസ്ഥരും പങ്കെടുത്തു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക