|    Sep 25 Tue, 2018 10:24 pm
FLASH NEWS

വെഴുപ്പൂര്‍ റോഡില്‍ ഗതാഗത തടസ്സം രൂക്ഷം

Published : 22nd April 2018 | Posted By: kasim kzm

താമരശ്ശേരി: തലങ്ങും വിലങ്ങും അനധികൃത പാര്‍ക്കിങ് നടത്തുന്നതുമൂലം താമരശ്ശേരി വെഴുപ്പൂര്‍ റോഡില്‍ ഗതാഗത തടസ്സം പതിവാകുന്നു . കച്ചവടക്കാരടക്കമുള്ളവര്‍ക്ക് ഇത് ഏറെ ദുരിതവുമാവുന്നു. പൊട്ടിപ്പൊളിഞ്ഞു വാഹന ഗതാഗതം പോലും നടത്താന്‍ സാധിക്കാതിരുന്ന റോഡ് നവീകരണം നടത്തി വീതി കൂട്ടിയതോടെയാണ് വാഹനങ്ങള്‍ പാര്‍ക്കിങ് ഏരിയ ആക്കി മാറ്റിയത്. ദേശീയപാതയില്‍ നിന്നും മുക്കം സംസ്ഥാനപാതയില്‍ കുടുക്കിലുമ്മാരത്തേക്ക് എളുപ്പത്തിലെത്താനുപകരിക്കുന്ന ഈ റോഡിനു ഇരുവശവുമാണ് ഇപ്പോള്‍ വാഹനങ്ങള്‍ തലങ്ങും വിലങ്ങും നിര്‍ത്തിയിടുന്നത്.
ഇതുമൂലം ഈ റോഡിലൂടെ സഞ്ചരിക്കാന്‍ മറ്റ് വാഹനങ്ങള്‍ക്ക് ഏറെ പ്രയാസപ്പെടേണ്ടിവരുന്നു. മറുഭാഗത്തു നിന്നും വാഹനം വരുന്നതോടെ കടന്നുപോവാനാവാതെ തടസ്സം നേരിടുന്നു. ഈ ഭാഗത്തെ കച്ചവടക്കാര്‍ക്കും ആശുപത്രി, വിദ്യാഭ്യാസ സ്ഥാപനങ്ങള്‍ എന്നിവയിലേക്കും എത്തുന്നവര്‍ക്ക് ഇത് മൂലം ഏറെ ക്ലേശം അനുഭവിക്കേണ്ടിവരുന്നു. പലരും ദൂരെ ദിക്കുകളിലേക്ക് പോവാനെത്തുന്ന വാഹനങ്ങള്‍ ഇവിടെ പാര്‍ക്ക് ചെയ്താണ് ബസ്സില്‍ യാത്ര ചെയ്യുന്നത്. ഇവര്‍ പലപ്പോഴും രാത്രി ഏറെ വൈകിയെത്തുന്നത് വരെ ഈ ഭാഗത്ത് ഇവരുടെ വാഹനങ്ങള്‍ മറ്റുള്ളവര്‍ക്ക് ദുരിതമായി നിലകൊള്ളുകയും ചെയ്യുന്നു. ഇവരുടെ അനധികൃത പാര്‍ക്കിങ് പോലിസിന്റെ ശ്രദ്ധയില്‍പെട്ടിട്ടില്ല. അനധികൃത പാര്‍ക്കിങ്ങിനെതിരേ  പോലിസില്‍ പരാതി നല്‍കാനൊരുങ്ങുകയാണ് പ്രദേശവാസികളും കച്ചവടക്കാരും.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss