|    Jan 21 Sat, 2017 6:46 pm
FLASH NEWS

വെള്ളപ്പൊക്കം: പാരിസില്‍ ആയിരങ്ങളെ മാറ്റി പാര്‍പ്പിച്ചു

Published : 3rd June 2016 | Posted By: SMR

പാരിസ്: ഫ്രഞ്ച് തലസ്ഥാനമായ പാരിസില്‍ കനത്ത വെള്ളപ്പൊക്കം. സെയിന്‍ നദിയുടെ കൈവഴി കരകവിഞ്ഞുണ്ടായ വെള്ളപ്പൊക്കം നഗരജീവിതം ദുസ്സഹമാക്കി. നിരവധി വീടുകളും വ്യാപാരസ്ഥാപനങ്ങളും വെള്ളത്തിനടിയിലായി. പ്രദേശത്തുനിന്ന് ആയിരക്കണക്കിനാളുകളെ മാറ്റിപ്പാര്‍പ്പിച്ചു. 1910നു ശേഷം ആദ്യമായാണ് സെയിന്‍ നദിയില്‍ ജലനിരപ്പ് ഇത്രയും വര്‍ധിക്കുന്നത്. വെള്ളപ്പൊക്കം ഫ്രഞ്ച് തലസ്ഥാനത്തെ രൂക്ഷമായി ബാധിച്ചു. പാരിസില്‍നിന്നും 80 കി.മീ. അകലെയുള്ള നീമറസില്‍ രക്ഷാപ്രവര്‍ത്തനം തുടരുകയാണ്. 400റോളം അഗ്നിശമന സേനാംഗങ്ങളും പോലിസും ദൗത്യത്തിലേര്‍പ്പെട്ടിട്ടുണ്ട്. വടക്കന്‍ യൂറോപ്പില്‍ പലയിടങ്ങളിലുണ്ടായ വെള്ളപ്പൊക്കത്തില്‍ 10 പേര്‍ മരിച്ചു. വെള്ളപ്പൊക്കം ഇനിയും ശക്തി പ്രാപിച്ചേക്കുമെന്നാണ് മുന്നറിയിപ്പ്.

Share on FacebookShare on Google+Tweet about this on TwitterShare on LinkedIn
(Visited 34 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക