|    Nov 20 Tue, 2018 6:23 am
FLASH NEWS

വെള്ളച്ചാട്ടത്തില്‍ കാണാതായ വിദ്യാര്‍ഥിക്കുവേണ്ടി തിരച്ചില്‍ തുടരും

Published : 16th July 2018 | Posted By: kasim kzm

കൊല്ലങ്കോട്: സീതാര്‍കുണ്ട് വെള്ളച്ചാട്ടത്തില്‍ കാണാതായ വിദ്യാര്‍ഥിയ്ക്കായി തിരച്ചില്‍  ഇന്നും തുടരും. ആലത്തൂര്‍ കാവശ്ശേരി വിപുള്യാപുരം അബൂബക്കര്‍ മകന്‍ ആഷിഖി(22)നെയാണ് സീതാര്‍കുണ്ട് വെള്ളച്ചാട്ടത്തിനടുത്ത് കാണാതായത്.
കൊല്ലം ടികെഎം. കോളജ് ആര്‍കിടെക്റ്റില്‍ അവസാന വര്‍ഷ വിദ്യാര്‍ഥിയാണ്. ശനിയാഴ്ച ഉച്ചക്ക് വീട്ടില്‍ നിന്നും ഇറങ്ങിയ ആഷിഖ് തിരിച്ചുവരാതായതോടെ ആലത്തൂര്‍ പോലിസില്‍ ബന്ധുക്കള്‍ പരാതി നല്‍കുകയായിരുന്നു. മൊബൈല്‍ ടവര്‍ ലൊക്കേഷനിലൂടെയാണ് സീതാര്‍കുണ്ടില്‍ എത്തിയതായി വിവരം പോലിസിന് ലഭിച്ചത്.
തുടര്‍ന്ന് കൊല്ലങ്കോട് പോലിസ് സീതാര്‍കുണ്ടിലെത്തി പരിശോധന നടത്തിയപ്പോള്‍ ആഷിഖിന്റെ ബൈക്ക് കണ്ടെത്തി. തുടര്‍ന്ന് അഗ്‌നിശമന സേനയുടെ സഹായത്തോടെ തിരച്ചില്‍ നടത്തിയെങ്കിലും കണ്ടെത്താന്‍ സാധിച്ചില്ല. സന്ധ്യവരെ നടത്തിയ തിരച്ചില്‍ നിര്‍ത്തിവെച്ച സംഘം ഇന്ന് വീണ്ടും തിരച്ചില്‍ ആരംഭിക്കുമെന്ന് അറിയിച്ചു. പ്രദേശത്തു നിന്നും ആഷിഖിന്റെ കാമറ നാട്ടുകാര്‍ കണ്ടെത്തി പോലിസിന് കൈമാറി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss