|    Aug 19 Sun, 2018 2:59 pm
FLASH NEWS

വെള്ളക്കുഴിയില്‍ ഇരുന്നു ഓട്ടോ തൊഴിലാളിയുടെ ഒറ്റയാള്‍ പ്രതിഷേധം

Published : 27th July 2018 | Posted By: kasim kzm

മരട്: നെട്ടൂര്‍ തകര്‍ന്നു കിടക്കുന്ന റോഡ് നന്നാക്കാത്തതില്‍ പ്രതിഷേധിച്ച് വെള്ളക്കുഴിയില്‍ ഇരുന്ന് ഓട്ടോ തൊഴിലാളിയുടെ ഒറ്റയാള്‍ പ്രതിഷേധം. വര്‍ഷങ്ങളായി തകര്‍ന്നു കിടക്കുന്ന നെട്ടൂര്‍ ഐഎന്‍ടിയുസി-അമ്പലക്കടവ് റോഡ് നന്നാക്കാത്തതില്‍ പ്രതിഷേധിച്ച് വെള്ളം കെട്ടിക്കിടക്കുന്ന റോഡിലെ കുഴിയില്‍ കുത്തിയിരുന്നാണ് പ്രതിഷേധിച്ചത്.
നെട്ടൂര്‍ ഐഎന്‍ടിയുസി സ്റ്റാന്‍ഡിലെ ഓട്ടോറിക്ഷാ തൊഴിലാളിയായ നെട്ടൂര്‍ മനക്കച്ചിറയില്‍ ഷെരിലാല്‍ ആണ് ഒറ്റയാള്‍ സമരം നടത്തിയത്. ഈ റോഡിന്റെ ശോചനീയാവസ്ഥയ്‌ക്കെതിരേ വിവിധ രാഷ്ട്രീയ, സാമൂഹ്യ, സാംസ്‌കാരിക സംഘടനകളുടെയും റസിഡന്റ്‌സ് അസോസിയേഷനുകളുടെയും നേതൃത്വത്തില്‍ നിരവധി സമരങ്ങള്‍ നടത്തിയിരുന്നു. നഗരസഭ വൈസ് ചെയര്‍മാന്റെ പിടിവാശിയാണ് റോഡ് പണിക്ക് തടസ്സമായതെന്ന് ഭരണ പക്ഷത്തെ കൗണ്‍സിലര്‍മാര്‍പോലും പറയുന്നു. ഭരണപക്ഷത്തെ ചില അംഗങ്ങള്‍ തങ്ങളുടെ ഫണ്ട്  റോഡ് നിര്‍മാണത്തിനായി ഉപയോഗിക്കാന്‍ തയ്യാറായെങ്കിലും വൈസ് ചെയര്‍മാന്‍ സമ്മതിക്കാത്തതാണ് കാരണമെന്നു പരക്കെ ആക്ഷേപമുണ്ട്. ഒടുവില്‍ കെ വി തോമസിന്റെ എംപി ഫണ്ടില്‍ നിന്നും 50  ലക്ഷം രൂപ ഈ റോഡ് നിര്‍മാണത്തിനായി അനുവദിച്ചു. ഇതു പ്രാവര്‍ത്തികമായി വരാന്‍ ചുരുങ്ങിയത് മൂന്നു മാസമെങ്കിലും വേണ്ടി വരുമെന്നാണ് ഉദ്യോഗസ്ഥര്‍ പറയുന്നത്. റോഡ് നന്നാക്കുന്നതിന് തുക പാസ്സാക്കിയിട്ടുണ്ട് എന്ന് അധികൃതര്‍ പത്രക്കുറിപ്പ് ഇറക്കിയതല്ലാതെ മറ്റു നടപടികളൊന്നും ആരംഭിച്ചിട്ടില്ല.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss