|    Nov 18 Sun, 2018 3:25 am
FLASH NEWS

വെളിച്ചമില്ലാതെ വടകര പോലിസ് സ്റ്റേഷന്‍

Published : 13th June 2017 | Posted By: fsq

 

വടകര: വടകര പൊലീസ് സ്റ്റേഷനില്‍ ഇന്നലെ വൈകുന്നേരം മണിക്കൂറകളോളം ഇരുട്ടില്‍. കനത്ത മഴയെ തുടര്‍ന്ന കറണ്ട് പോയതോടെയാണ് റൂറല്‍ ജില്ലയിലെ പ്രധാന പൊലീസ് സ്റ്റേഷനായ വടകര സ്റ്റേഷനില്‍ മണിക്കൂറുകളോളം ഇരുട്ടിലായത്.  ഈ സമയങ്ങളില്‍ വടകരയിലും പരിസര പ്രദേശങ്ങളിലും നടന്ന അക്രമ സംഭവങ്ങളുമായി ബന്ധപ്പെട്ട് പിടികൂടിയ 25 ഓളം പ്രതികളാണ് സ്റ്റേഷനകത്തുണ്ടായിരുന്നത്. കറണ്ട് പോയാല്‍ ബദല്‍ സംവിധാനമായ ഇന്‍വെര്‍ട്ടര്‍ ഉണ്ടെങ്കിലും എസ്‌ഐയുടെ റൂമില്‍ ഒരു ബള്‍ബ് മാത്രമെ ഇതു കൊണ്ട് പ്രകാശിപ്പിക്കാന്‍ സാധിക്കുകയുള്ളുവെന്നാണ് പോലിസുകാര്‍ പറയുന്നത്. ക്രമസമാധാന പ്രശ്‌നങ്ങള്‍ കൂടുതലായി നടക്കുന്ന വടകരയിലെ പൊലീസ് സ്റ്റേഷനില്‍ സ്ഥിരമായി കറണ്ട് പോയാല്‍ വെളിച്ചമേകാന്‍ പദ്ധതിയില്ലാത്തത് പൊലീസുകാരെ വെട്ടിലാക്കിയിരിക്കുകയാണ്. ഇന്നലെ പ്രതികളുടെ ബാഹുല്യം കാരണം സ്റ്റേഷനിലെ പൊലീസുകാര്‍ക്ക് പുറമെ അക്രമം തടയാനെത്തിയ മറ്റു പൊലീസ് ഉദ്യോഗസ്ഥരും സ്റ്റേഷനില്‍ തന്നെ കാവലില്‍ ഇരിക്കേണ്ടി വന്നു. സംഭവ വികാസങ്ങളെ കുറിച്ച് അറിയാനെത്തിയ മാധ്യമ പ്രവര്‍ത്തകര്‍ക്ക് പോലും കറണ്ടില്ലാത്തതിനാല്‍ ഏറെ നേരം കാത്തിരുന്നതിന് ശേഷമാണ് വിവരങ്ങള്‍ ശേഖരിക്കാന്‍ കഴിഞ്ഞത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss