|    Aug 17 Thu, 2017 5:15 am
FLASH NEWS
Home   >  Todays Paper  >  page 11  >  

വെറുപ്പ് തോന്നിയാലും പരിശീലകന്‍ ഗുരുവാണ്: അഭിനവ് ബിന്ദ്ര

Published : 22nd June 2017 | Posted By: fsq

 

ന്യൂഡല്‍ഹി: ഇന്ത്യന്‍ ക്രിക്കറ്റ് ടീം പരിശീലക സ്ഥാനത്ത് നിന്ന് രാജിവച്ച അനില്‍ കുംബ്ലെയ്ക്ക് പിന്തുണയുമായി പല താരങ്ങളും രംഗത്തെത്തിയിട്ടുണ്ട്. അതില്‍ ഏറ്റവും ശ്രദ്ധ നേടിയത് ഒളിംപിക്‌സില്‍ ഇന്ത്യയുടെ ഏക വ്യക്തിഗത സ്വര്‍ണ മെഡല്‍ ജേതാവ് അഭിനവ് ബിന്ദ്രയുടെ വാക്കുകളാണ്. എന്റെ ഗുരുവും വഴികാട്ടിയും എന്റെ പരിശീലകനായിരുന്നു. പല സമയത്തും എനിക്കദ്ദേഹത്തോട് വെറുപ്പ് തോന്നിയിട്ടുണ്ട്. എപ്പോഴും അദ്ദേഹം ഓരോ നിര്‍ദേശം തരും. എനിക്ക് കേള്‍ക്കാന്‍ ആഗ്രഹം ഇല്ലാത്ത കാര്യങ്ങളാവും അദ്ദേഹം പലപ്പോഴും പറയുക. എന്നിട്ടും അദ്ദേഹത്തിന് കീഴില്‍ 20 വര്‍ഷം ഞാന്‍ പരിശീലനം നേടി. ബിന്ദ്ര ട്വിറ്ററില്‍ കുറിച്ചു. ഇന്ത്യന്‍ നായകന്‍ വിരാട് കോഹ്‌ലിയുടെയും അനില്‍ കുംബ്ലെയുടെയും പേരെടുത്ത് പറയാതെയാണ് ബിന്ദ്ര ട്വിറ്ററില്‍ തന്റെ അഭിപ്രായം കുറിച്ചത്. ജ്വാല ഗുട്ടയുടെ പ്രതികരണം ഇങ്ങനെയായിരുന്നു. തന്റെ പരിശീലകനും കര്‍ക്കശക്കാരനായിരുന്നു. എന്നാല്‍ അത് പരിശീലനത്തിന്റെ  ഭാഗമായാണ് താന്‍ കാണുന്നത്. ജ്വാല ഗുട്ട ട്വിറ്ററില്‍ കുറിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക