|    Nov 21 Wed, 2018 4:02 pm
FLASH NEWS

വെട്ടിപ്പൊളിച്ച റോഡില്‍ ഇന്നു മുതല്‍ അറ്റകുറ്റപ്പണി ആരംഭിക്കും

Published : 2nd July 2018 | Posted By: kasim kzm

ഒല്ലൂര്‍: ഒല്ലൂരില്‍ കുടിവെള്ള വിതരണ പൈപ്പ് ലൈന്‍ സ്ഥാപിക്കുന്നതിനായി വെട്ടിപ്പൊളിച്ച റോഡില്‍ ഇന്ന് മുതല്‍ അറ്റകുറ്റപണിയാരംഭിക്കും. അറ്റകുറ്റപണിക്കുള്ള സാധന സാമഗ്രികള്‍ ഇറക്കി തുടങ്ങി. ഒല്ലൂര്‍ ഓവര്‍ ബ്രിഡ്ജ് മുതല്‍ ക്രിസ്റ്റഫര്‍ നഗര്‍ വരെയുള്ള രണ്ടര കിലോമീറ്റര്‍ റോഡാണ് അറ്റകുറ്റപണി നടത്തുന്നത്. മെറ്റല്‍ ഉള്‍പ്പെടയുള്ള സാധന സാമഗ്രികളുടെ ലഭ്യത കുറവാണ് അറ്റകുറ്റപണി നീണ്ടു പോകാനിടയായത്. ഒല്ലൂര്‍ തൃശൂര്‍ റൂട്ടില്‍ ഇന്നു മുതല്‍ ഗതാഗത നിയന്ത്രണം ഏര്‍പ്പെടുത്തും. ഒറ്റവരിയിലായിരിക്കും വാഹനങ്ങള്‍ കടത്തിവിടുക. പൈപ്പ് ലൈന്‍ സ്ഥാപിക്കാന്‍ വേണ്ടി വെട്ടി പൊളിച്ച ഭാഗമാണ് എസ്എംടി ചെയ്ത് മെക്കാഡം ടാറിങ്ങ് നടത്തുക. ജില്ലാ കളക്ടറുടെ നിര്‍ദ്ദേശ പ്രകാരം ദുരന്ത നിവാരണ പദ്ധതിയില്‍ ഉള്‍പ്പെടുത്തിയാണ് അറ്റകുറ്റപണി നടത്തുന്നത്. അതേസമയം റോഡിന്റെ ശോച്യാവസ്ഥയില്‍ പ്രതിഷേധിച്ച് വിവിധ രാഷ്ട്രീയപാര്‍ട്ടികളും സംഘടനകകളുടെയും പ്രതിഷേധം തുടരുകയാണ്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss