|    Oct 18 Thu, 2018 8:13 am
FLASH NEWS
Home   >  Todays Paper  >  Page 5  >  

വെട്ടിക്കുറച്ച അരി പുനസ്ഥാപിക്കും: മന്ത്രി തിലോത്തമന്‍

Published : 12th October 2018 | Posted By: kasim kzm

പെരുമ്പാവൂര്‍: ഈ മാസം ഒന്നുമുതല്‍ വെട്ടിക്കുറച്ച അരി ഉടന്‍ പുനസ്ഥാപിക്കുമെന്നും പഞ്ചസാരയുടെ കാര്യത്തില്‍ താമസിയാതെ തീരുമാനമുണ്ടാവുമെന്നും ഭക്ഷ്യമന്ത്രി പി തിലോത്തമന്‍. കേരളാ സേറ്റ് റീട്ടെയില്‍ റേഷന്‍ ഡീലേഴ്‌സ് അസോസിയേഷന്‍ ജില്ലാതല കണ്‍വന്‍ഷന്‍ ഉദ്ഘാടനം ചെയ്യാനെത്തിയ അദേഹം തേജസിനോട് സംസാരിക്കുകയായിരുന്നു.
സാധാരണക്കാരന്റെ അവകാശത്തിന് മേല്‍ കടന്നുകയറുന്ന ഒരു സമീപനവും ഇടതുസര്‍ക്കാരിന്റെ ഭാഗത്തുനിന്ന് ഉണ്ടാവില്ലെന്നും മന്ത്രി പറഞ്ഞു. സപ്ലൈകോ വഴി വിതരണം ചെയ്യുന്ന സാധനങ്ങള്‍ ഗുണനിലവാരം കുറഞ്ഞതും ഉപയോഗശൂന്യമായതുമാണെന്ന പരാതിയും പരിശോധിക്കുമെന്നും മന്ത്രി പറഞ്ഞു. സബ്‌സിഡി ഇനത്തില്‍ കാര്‍ഡ് ഒന്നിന് മാസംതോറും നല്‍കിവന്ന അരിയും പഞ്ചസാരയുമാണ് ഈ മാസം മുതല്‍ യാതൊരു മുന്നറിയിപ്പുമില്ലാതെ പകുതിയാക്കി സപ്ലൈകോ വെട്ടിക്കുറച്ചത്. നടപടി വിവാദമാവുകയും തീരുമാനം പുനപ്പരിശോധിക്കാന്‍ സാധ്യതയില്ലെന്ന് സപ്ലൈകോ അറിയിച്ചതിനിടയിലാണ് മന്ത്രിയുടെ വെളിപ്പെടുത്തല്‍.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss