|    Oct 21 Sun, 2018 4:41 pm
FLASH NEWS

വൃക്കരോഗം മുന്‍കൂട്ടിയറിയാന്‍ പദ്ധതിയുമായി ട്രസ്റ്റ്

Published : 3rd February 2018 | Posted By: kasim kzm

കോഴിക്കോട്: ജീവിതശൈലീമാറ്റം കൊണ്ട് വൃക്കരോഗികളും പ്രമേഹ രോഗികളും നാള്‍ക്കുനാള്‍ വര്‍ധിച്ചു വരികയാണ്. വര്‍ഷങ്ങള്‍ക്കു മുമ്പ് തന്നെ വൃക്കരോഗം വന്ന് ചികില്‍സാ ചെലവിനോ, വൃക്ക മാറ്റിവയ്ക്കല്‍ ശസ്ത്രക്രിയക്കോ, ഡയാലിസിസിനോ സാധിക്കാതെ ഈ ദുരന്തം പേറേണ്ടിവന്ന ഒരുപാട് പാവങ്ങളുടെ പരിതാപകരമായ അവസ്ഥ പരിഗണിച്ച് കോഴിക്കോട് ആസ്ഥാനമായി ആരംഭിച്ച ഹെല്‍പിങ് ഹാന്റ്‌സ് ചാരിറ്റബിള്‍ ട്രസ്റ്റിനു കീഴില്‍ തുടങ്ങിയ പദ്ധതിയാണ് കെഇഇ. നേരത്തെ വൃക്കരോഗവും അതിന്റെ ലക്ഷണങ്ങളും കണ്ടെത്താന്‍ സഹായിക്കുന്ന ഈ പദ്ധതി കേരളക്കരകയില്‍ മൊത്തം പ്രത്യേകിച്ച് മലബാറില്‍ 445 കാംപുകളിലൂടെ 90,000 പേരെ ടെസ്റ്റിന് വിധേയമാക്കുകയും അതില്‍ നിന്ന് 1780 പേരെ ഗുരുതരമായ പ്രത്യാഘാതങ്ങളില്‍ നിന്ന് രക്ഷപ്പെടുത്തിയെടുക്കാന്‍ സാധിച്ചതുമൂലം ഒരുപാട് ജീവന്‍ രക്ഷിക്കാനും കോടിക്കണക്കിന് രൂപയുടെ മിച്ചം രാജ്യത്തിന് നേടിക്കൊടുക്കാനും സാധിച്ചുവെങ്കിലും ഈ രോഗത്തിന്റെ വ്യാപ്തി നമ്മുടെ സമൂഹത്തില്‍ വര്‍ധിച്ചുകൊണ്ടിരിക്കുന്നു. ഈ അവസരത്തില്‍ എന്താണ് പരിഹാരം എന്ന തിരിച്ചറിവില്‍ ബോധവല്‍ക്കരണത്തിന്റെ പ്രസക്തി മനസ്സിലാക്കി ഈ വരുന്ന 6,7,8,9 തിയ്യതികളില്‍ കോഴിക്കോട് കണ്ടംകുളം ജൂബിലി ഹാളില്‍ ഹെല്‍പിങ് ഹാന്റ്‌സ് ചാരിറ്റബിള്‍ ട്രസ്റ്റിന്റെ നേതൃത്വത്തില്‍ കിഡ്‌നി കെയര്‍ മെഗാ എക്‌സ്‌പോ നടത്തുകയാണ്. സൗജന്യ വൃക്കരോഗനിര്‍ണ#േ ക്യാംപ്, എക്‌സിബിഷന്‍, ബോധവല്‍ക്കരണം വീഡിയോ പ്രദര്‍ശനം എന്നിവയും ഉണ്ടായിരിക്കും എന്ന് പ്രാര്‍ഥനയോടെ പിആര്‍ഒ അറിയിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss