|    Oct 19 Thu, 2017 12:55 pm
FLASH NEWS
Home   >  Todays Paper  >  Page 4  >  

വീട് കുത്തിത്തുറന്ന് 52 പവനും 70,000 രൂപയും കവര്‍ന്നു

Published : 5th January 2016 | Posted By: SMR

പെരിന്തല്‍മണ്ണ: രാമപുരത്തിന് സമീപം പനങ്ങാങ്ങരയില്‍ വീട് കുത്തിത്തുറന്ന് 52 പവന്‍ സ്വര്‍ണാഭരണങ്ങളും എഴുപതിനായിരം രൂപയും കവര്‍ന്നു. പനങ്ങാങ്ങര ജിഎല്‍പി സ്‌കൂളിന് സമീപം താമസിക്കുന്ന തെക്കേടത്ത് മുഹമ്മദ് സലീമിന്റെ വീട്ടിലാണ് മോഷണം നടന്നത്.
വീട്ടിലെ മേശവലിപ്പില്‍ സൂക്ഷിച്ചിരുന്ന ഭാര്യയുടെയും സഹോദരിയുടെയും സഹോദരീ പുത്രിയുടെയും സ്വര്‍ണാഭരണങ്ങളും പണവുമാണ് മോഷണം പോയിട്ടുള്ളത്. ഞായറാഴ്ച രാത്രിയിലാണ് മോഷണം നടന്നതെന്നാണ് കരുതുന്നത്.
തിങ്കളാഴ്ച പുലര്‍ച്ചെയാണ് മോഷണ വിവരം അറിയുന്നത്. അടുക്കളയുടെ പുറത്തുള്ള പൂട്ടിയിട്ട ഗ്രില്‍ വാതില്‍ പൂട്ട് തുറന്ന നിലയിലും, അടുക്കളവാതിലിന്റെ കൊളുത്ത് കമ്പി ഉപയോഗിച്ച് തകര്‍ത്തുമാണ് മോഷ്ടാവ് അകത്ത് കടന്നിരിക്കുന്നത്.
പെരിന്തല്‍മണ്ണ സിഐ കെ എം ബിജു, മങ്കട എസ് ഐ മനീഷ് എന്നിവരുടെ നേതൃത്വത്തിലുള്ള പോലിസ് സംഭവസ്ഥലത്തെത്തി വിവരങ്ങള്‍ ശേഖരിച്ചു. മലപ്പുറത്ത് നിന്നും വിരലടയാള വിദഗ്ധരും, ഡോഗ് സ്‌ക്വാഡും സംഭവസ്ഥലത്തെത്തി പരിശോധന നടത്തി. വീട്ടുകാര്‍ നല്‍കിയ പരാതിയുടെ അടിസ്ഥാനത്തില്‍ മങ്കട പോലിസ് കേസെടുത്ത് അന്വേഷണം ആരംഭിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക