|    Apr 22 Sun, 2018 10:04 pm
FLASH NEWS

വീട് കത്തിച്ച കേസിലെ പ്രതി പിടിയില്‍

Published : 2nd March 2018 | Posted By: kasim kzm

നെടുമങ്ങാട്: ഭീകരാന്തരീക്ഷം സൃഷ്ടിച്ച് വീട് തീയിട്ട കേസിലെ പ്രതി പോലിസിന്റെ പിടിയിലായി. ആനാട് വടക്കേല കളപ്പുര വീട്ടില്‍ ചിന്നന്‍ എന്ന് വിളിക്കുന്ന സുരേഷിനെയാണ് വലിയമല പോലിസ് അറസ്റ്റ് ചെയ്തത്. കഴിഞ്ഞ ബുധനാഴ്ച രാത്രി 11 ഓടെ വടക്കേല സ്വദേശി സ്റ്റീഫന്റെ വീട് തീയിട്ട് കത്തിച്ച കേസിലാണ് അറസ്റ്റ്.
നെടുമങ്ങാട് നിന്നു ഫയര്‍ഫോഴ്‌സ് യൂനിറ്റെത്തിയാണ് തീ കെടുത്തിയത്. ഏകദേശം രണ്ടര ലക്ഷത്തോളം രൂപയുടെ നഷ്ടം സംഭവിച്ചു. പിടിയിലായ സുരേഷ് മുമ്പ് സ്ത്രീപീഡന കേസിലും പ്രതിയാണ്. നെടുമങ്ങാട് ഡിവൈഎസ്പി അനില്‍കുമാറിന്റെ നിര്‍ദേശാനുസരണം വലിയമല എസ്‌ഐ വി അജേഷിന്റെ നേതൃത്വത്തിലാണ് പ്രതിയെ പിടികൂടിയത്. അഡീഷനല്‍ എസ്‌ഐമാരായ എം ആര്‍ ഗോപകുമാര്‍, ഡി ശശി, സെല്‍വരാജ്, എഎസ്‌ഐ നിസാറുദ്ദീന്‍, എഎസ്‌ഐ സുനില്‍കുമാര്‍, സിപിഒ ജസ്‌നദ്, അഭിജിത്ത് അന്വേഷണ സംഘത്തില്‍ ഉണ്ടായിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss