|    Aug 18 Sat, 2018 2:42 am
FLASH NEWS

വീട്ടുവളപ്പില്‍ നിര്‍ത്തിയിട്ട ഓട്ടോറിക്ഷയും കാറും കത്തി നശിച്ചനിലയില്‍

Published : 18th June 2018 | Posted By: kasim kzm

ചെര്‍പ്പുളശ്ശേരി: മേലെ പൊട്ടച്ചിറയില്‍  വീടിന് മുന്നില്‍  നിര്‍ത്തിയിട്ട ഓട്ടോറിക്ഷയും കാറും കത്തി നശിപ്പിക്കപ്പെട്ട നിലയില്‍. മാമ്പറ്റപ്പറമ്പ് ചാത്തംകുളം ഷമീറലിയുടെ  വീട്ടുവളപ്പില്‍ നിര്‍ത്തിയിട്ടിരുന്ന ഓട്ടോറിക്ഷയും കാറുമാണ് കത്തിനശിപ്പിക്കപ്പെട്ട നിലയില്‍ കാണപ്പെട്ടത്. ഇന്നലെ  പുലര്‍ച്ചെ ഒരു മണിക്കും രണ്ടിനും ഇടയിലാണ് സംഭവം. ഷമീറലിയുടെ ഓട്ടോ പൂര്‍ണമായും സമീപത്ത് നിര്‍ത്തിയിട്ടിരുന്ന ഷമീറിന്റെ സഹോദരന്റെ കാറ് ഭാഗികമായും കത്തി നശിച്ചിട്ടുണ്ട്.
സമീപത്തുനിന്നും മണ്ണെണ്ണ ബോട്ടിലുകളും ഒരു കീസും കണ്ടെത്തിയിട്ടുണ്ട്. ചൂടുകാരണം ഓട്ടോറിക്ഷയുടെ ഗ്ലാസ് പൊട്ടുന്ന ശബ്ദംകേട്ടാണ് വീട്ടുകാര്‍ സംഭവമറിയുന്നത്. ചെര്‍പ്പുളശ്ശേരി പോലിസ് കേസെടുത്തു. പാലക്കാടു നിന്നും വിരലടയാളെ വിദഗ്ധരെത്തി തെളിവെടുത്തു. തനിക്ക് ശത്രുക്കളാരുമില്ലെന്നും ആരെയും സംശയമില്ലെന്നും ഷമീറലി  പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss