|    Aug 22 Wed, 2018 1:40 am
FLASH NEWS

വീടുകയറി അക്രമണം: ഗൃഹനാഥനും മകനും പരിക്ക്

Published : 18th June 2018 | Posted By: kasim kzm

ചങ്ങനാശ്ശേരി: പുഴവാത് ഹിദായത്തു നഗറില്‍ വീടുകയറി അക്രമണം. ഗൃഹനാഥനും മകനും പരിക്ക്. യൂത്ത് കോണ്‍ഗ്രസ് ഹിദായത്തു നഗര്‍ ബൂത്തു പ്രസിഡന്റായ ഹിദായത്തു നഗര്‍ തയ്യില്‍ ഹുസൈന്‍ (27), പിതാവ് സെയ്ദു മുഹമ്മദ് (85) എന്നിവര്‍ക്കാണു പരിക്കേറ്റത്. ഇവരെ താലൂക്കാശുപത്രിയില്‍ പ്രവേശിപ്പിച്ചു. കഴിഞ്ഞ ദിവസം വൈകീട്ടായിരുന്നു സംഭവം. സംഭവത്തില്‍ സിപിഎം ബ്രാഞ്ച് സെക്രട്ടറിക്കും മകനുമെതിരേ പോലിസ് കേസെടുത്തു. വാക്കുതര്‍ക്കമാണ് സംഘര്‍ഷത്തിനു കാരണമായി പറയുന്നത്. പെരുന്നയില്‍ തട്ടുകട നടത്തിപ്പുകാരനായ ബിജുവും മകനും ചേര്‍ന്നാണ് അക്രമം നടത്തിയതെന്നും ഇവരുടെ പേരില്‍ ഭവനഭേദനം, ദേഹോപദ്രവം ഏല്‍പിക്കല്‍ എന്നി വകുപ്പുകള്‍ പ്രകാരമാണ് കേസെടുത്തിരിക്കുന്നതെന്നു  പോലിസ് പറഞ്ഞു. മര്‍ദ്ദനത്തില്‍ പ്രതിഷേധിച്ചു യൂത്ത് കോണ്‍ഗ്രസ് നഗരത്തില്‍ പ്രതിഷേധ പ്രകടനം നടത്തി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss