|    Jun 19 Tue, 2018 2:52 am

വീടിന്റെ ഗേറ്റില്‍ പ്രത്യേക അടയാളം രേഖപ്പെടുത്തിയ നിലയില്‍

Published : 3rd February 2018 | Posted By: kasim kzm

ഇരിക്കൂര്‍: സിദ്ദീഖ് നഗര്‍ ഗവ. ഹയര്‍സെക്കന്‍ഡറി സ്‌കൂളിനു സമീപം കെ വി മുനീറിന്റെ വീടിന്റെ ഗേറ്റില്‍ പ്രത്യേക അടയാളം കണ്ടെത്തി. സ്‌കെച്ച് പേന ഉപയോഗിച്ച് ഗുണനചിഹ്നവും അടിവരയും രേഖപ്പെടുത്തിയ നിലയിലാണ്. ഇന്നലെ രാവിലെയാണ് ഇക്കാര്യം വീട്ടുടമയുടെ ശ്രദ്ധയില്‍പ്പെട്ടത്. വിവരമറിഞ്ഞ് ഇരിക്കൂര്‍ എസ്‌ഐ വി വി പ്രദീപന്റെ നേതൃത്വത്തില്‍ പോലിസെത്തി പരിശോധന നടത്തി. അന്വേഷണം ആരംഭിച്ചതായി എസ്‌ഐ പറഞ്ഞു. ജനവാസം ഏറെയുള്ള മേഖലയില്‍ ഇതരസംസ്ഥാന തൊഴിലാളികളും താമസിക്കുന്നുണ്ട്. ഒന്നരവര്‍ഷം മുമ്പ് സിദ്ദീഖ് നഗറിലെ വാടകവീട്ടില്‍ താമസത്തിനെത്തിയ കര്‍ണാടക സ്വദേശികള്‍ വീട്ടുടമയായ വയോധികയെ കൊലപ്പെടുത്തി സ്ഥലംവിട്ടിരുന്നു. ഈ കേസിലെ പ്രതികളെ ഇനിയും പിടികൂടിയിട്ടില്ല.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss