|    Sep 25 Tue, 2018 4:36 am
FLASH NEWS

വി ടി ഭട്ടതിരിപ്പാട് സാംസ്‌കാരിക സമുച്ചയം നിര്‍മാണം ഉടന്‍ ആരംഭിക്കും

Published : 19th April 2018 | Posted By: kasim kzm

പാലക്കാട്: വി ടി ഭട്ടതിരിപ്പാടിന്റെ നാമധേയത്തില്‍ നിര്‍മിക്കുന്ന സമുച്ചയത്തിന് ഏറ്റവും ഉചിതമായ സ്ഥലം ദേശീയ പാതയുടെ  അരികില്‍ കണ്ടെത്തിയതിനെ തുടര്‍ന്ന് പാലക്കാട് ജില്ലയിലെ കലാ, സാംസ്‌കാരിക, സാഹിത്യ മേഖലയിലെ പ്രവര്‍ത്തകരുടെ അഭിപ്രായ സമന്വയ രൂപീകരണ യോഗം പാലക്കാട് ജില്ലാ പബ്ലിക് ലൈബ്രറിയില്‍ ചേര്‍ന്നു. നാടക ശാല, സിനിമാ ഹാള്‍, നൃത്ത സംഗീത ശാല, ഗ്യാലറി, ചര്‍ച്ചകള്‍ക്കും സെമിനാറുകള്‍ക്കുമുള്ള ഹാളുകള്‍, ശില്‍പികള്‍ക്കും കരകൗശല വിദഗ്ധര്‍ക്കുമുള്ള പണിശാലകള്‍, കലാകാരന്മാര്‍ക്കും സാഹിത്യകാരന്മാര്‍ക്കും ഹ്രസ്വകാലത്തേക്കുള്ള താമസ സൗകര്യങ്ങള്‍ തുടങ്ങിയവ ഉള്‍പ്പെട്ട ഒരു സമുച്ചയമാണ് നിര്‍മിക്കാന്‍ ഉദ്ദേശിക്കുന്നത്.
ഏകദേശം ഒരുലക്ഷത്തിലേറെ ചതുരശ്ര അടി വിസ്തീര്‍ണമുള്ള കെട്ടിട നിര്‍മാണത്തിന് 50കോടിയാണ് നിര്‍മാണ ചെലവായി കണക്കാക്കിയിട്ടുള്ളത്. സാംസ്‌കാരിക വകുപ്പ് മന്ത്രിയുടെ െ്രെപവറ്റ് സെക്രട്ടറി സി പി പ്രമോദ് അധ്യക്ഷത വഹിച്ചു.
ജില്ലാ കലക്ടര്‍  ഡോക്ടര്‍ പി സുരേഷ് ബാബു ഉദ്ഘാടനം ചെയ്തു.  പാലക്കാട്ടെ 5.8 ഏക്കര്‍ സ്ഥലത്തു നിര്‍മിക്കാനുദ്ദേശിക്കുന്ന സമുച്ചയത്തിന്റെ ഒരു പ്രാഥമിക രൂപ രേഖ കണ്‍സള്‍ട്ടന്‍സി അവതരിപ്പിച്ചു. തുടര്‍ന്ന് നടന്ന വിശദമായ ചര്‍ച്ചയില്‍ പ്രഫ.പി ഗംഗാധരന്‍, പി ടി നരേന്ദ്ര മേനോന്‍, മണ്ണൂര്‍ രാജകുമാരനുണ്ണി, കാളിദാസ് പുതുമന, സുകുമാരി നരേന്ദ്ര മേനോന്‍, സദനം ഹരികുമാര്‍, പി വിജയാംബിക പങ്കെടുത്തു. വിവിധ മേഖലകളില്‍ നിന്ന് നൂറിലേറെ സാംസ്‌കാരിക പ്രവത്തകര്‍ പങ്കെടുത്തു. സാംസ്‌കാരിക വകുപ്പ് ഡയറക്ടര്‍ ടി ആര്‍ സദാശിവന്‍ നായര്‍, ഒ വി സ്മാരക സമിതി സെക്രട്ടറി ടി ആര്‍ അജയന്‍ സംസാരിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss