|    Oct 21 Sun, 2018 3:02 am
FLASH NEWS
Home   >  Kerala   >  

വി. കോട്ടയത്ത് ഉരുള്‍പൊട്ടി കൃഷിയിടങ്ങള്‍ക്ക് നാശം

Published : 4th October 2018 | Posted By: afsal ph


പത്തനംതിട്ട: വള്ളിക്കോട് കോട്ടയത്തു പ്രവര്‍ത്തിക്കുന്ന സ്വകാര്യ പാറമട, ക്രഷര്‍ യൂണിറ്റിനു മുകളില്‍ ഉരുള്‍പൊട്ടി. കനത്ത മഴയില്‍ ക്രഷര്‍ യൂണിറ്റിലെ പാറക്കുളത്തിലെ വെള്ളവും പൊട്ടി ഒഴുകി പ്രദേശത്തു വന്‍ നാശം വിതച്ചു. ഇന്നലെ ഉച്ചകഴിഞ്ഞു പെയ്ത മഴയ്ക്കിടയിലാണ് ക്രഷര്‍ യൂണിറ്റിനു മുകളില്‍ പാറക്കുളത്തില്‍ സംഭരിച്ചിരുന്ന വെള്ളം പൊട്ടിയൊഴുകിയത്.
ഇതു താഴേക്കെത്തി തോടുകളിലും സമീപത്തെ പുരയിടങ്ങളിലും നിറഞ്ഞു. ഞക്കുനിലം തോട് ഉള്‍പ്പെടെ കവിഞ്ഞൊഴുകി. പാറമടയ്ക്കു താഴെയുള്ള കൃഷിയിടങ്ങളില്‍ വ്യാപകമായി കല്ലും മണ്ണും വന്നടിഞ്ഞു. അപ്രതീക്ഷിതമായ മഴവെള്ളപ്പാച്ചില്‍ പ്രദേശത്തെ ഭീതിയിലാഴ്ത്തി. ഏക്കര്‍ കണക്കിനു കൃഷിയിടങ്ങളില്‍ കല്ലും മണ്ണും നിറഞ്ഞിട്ടുണ്ട്. റബര്‍തോട്ടങ്ങളിലടക്കം മണ്ണ് വ്യാപകമായി ഒലിച്ചുപോയി. വെള്ളക്കെട്ടുകളും രൂപപ്പെട്ടു. റവന്യു ഉദ്യോഗസ്ഥര്‍ വൈകുന്നേരം സ്ഥലം സന്ദര്‍ശിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss