|    May 23 Tue, 2017 2:41 pm
FLASH NEWS

വി കെ ജോസിനെ ഡയറക്ടര്‍ സ്ഥാനത്തുനിന്ന് നീക്കണമെന്ന് ആവശ്യം

Published : 15th November 2015 | Posted By: SMR

മാനന്തവാടി: തദ്ദേശ തിരഞ്ഞടുപ്പിലുണ്ടായ ദയനീയ പരാജയത്തെ തുടര്‍ന്ന് ഡിസിസി സെക്രട്ടറി പി വി ജോണ്‍ ആത്മഹത്യ ചെയ്ത സംഭവത്തില്‍ ഉത്തരവാദിയായ കോണ്‍ഗ്രസ് നേതാവ് വി കെ ജോസിനെ മാനന്തവാടി ഫാര്‍മേഴ്‌സ് സര്‍വീസ് സഹകരണ ബാങ്ക് ഡയറക്ടര്‍ സ്ഥാനത്തുനിന്ന് നീക്കണമെന്നാവശ്യപ്പെട്ട് പരാതി. ബാങ്കിലെ ഒരു വിഭാഗം അംഗങ്ങളാണ് രേഖാമൂലം ഭരണസമിതിക്ക് പരാതി നല്‍കിയത്. പി വി ജോണിന്റെ തോല്‍വിക്കും ആത്മഹത്യയ്ക്കും കാരണക്കാരനായ വ്യക്തി ബാങ്ക് ഡയറക്ടര്‍ സ്ഥാനത്ത് തുടരുന്നത് ഉചിതമായ നടപടിയല്ലെന്നും ആയതിനാല്‍ ജോസിനെ മാറ്റണമെന്നുമാണ് പ്രധാന ആവശ്യം.
പാര്‍ട്ടി നല്‍കിയ സ്ഥാനമായതിനാല്‍ പാര്‍ട്ടി തന്നെ തീരുമാനമെടുക്കണമെന്നാണ് ഭരണസമിതിയില്‍ ഉയര്‍ന്ന അഭിപ്രായമെന്നാണ് പറയപ്പെടുന്നത്. ഇതിന്റെ അടിസ്ഥാനത്തില്‍ പരാതിയില്‍ തീരുമാനമെടുക്കുന്നതിനായി ബ്ലോക്ക് കോണ്‍ഗ്രസ് കമ്മിറ്റിക്കും ഡിസിസിക്കും കത്ത് കൈമാറിയതായാണ് സൂചന. ജോണിന്റെ ആത്മഹത്യാക്കുറിപ്പില്‍, പരാജയത്തിന്റെ ഉത്തരവാദി വി കെ ജോസാണെന്ന പരാമര്‍ശമുണ്ടായിരുന്നു. ഇതേത്തുടര്‍ന്ന് മാനന്തവാടി ബ്ലോക്ക് കോണ്‍ഗ്രസ് വൈസ് പ്രസിഡന്റായിരുന്ന ജോസിനെ പാര്‍ട്ടിയില്‍ നിന്നു പുറത്താക്കി. മാനന്തവാടി പ്രിന്റിങ് വര്‍ക്കേഴ്‌സ് സഹകരണ സംഘം ഡയറക്ടര്‍ കൂടിയാണ് ജോസ്. കത്തില്‍ പരാമര്‍ശമുണ്ടായിരുന്ന മുന്‍ ഗ്രാമപ്പഞ്ചായത്ത് അംഗം ലേഖ രാജീവന്‍ പാര്‍ട്ടിയില്‍ നിന്നു പുറത്താക്കിയതിനെ തുടര്‍ന്ന് സഹകരണ സംഘത്തിലെ ജോലി രാജിവച്ചിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day