|    Oct 23 Mon, 2017 1:31 pm
FLASH NEWS
Home   >  Todays Paper  >  Page 1  >  

വിശ്വസാംസ്‌കാരികോല്‍സവം: വിദേശ നേതാക്കള്‍ പിന്‍മാറി

Published : 12th March 2016 | Posted By: SMR

ന്യൂഡല്‍ഹി: ശ്രീ ശ്രീ രവിശങ്കറിന്റെ ആര്‍ട്ട് ഓഫ് ലിവിങ് ഫൗണ്ടേഷന്റെ വിശ്വസാംസ്‌കാരികോല്‍സവത്തില്‍ പങ്കെടുക്കാമെന്നേറ്റിരുന്ന നാലു വിദേശ ഭരണാധികാരികള്‍ പിന്‍മാറി.
നേപ്പാള്‍ പ്രസിഡന്റ് ബിദ്യാദേവി ഭണ്ഡാരി, സിംബാബ്‌വെ പ്രസിഡന്റ് റോബര്‍ട്ട് മുഗാബെ, ശ്രീലങ്കന്‍ പ്രസിഡന്റ് മൈത്രിപാല സിരിസേന, അഫ്ഗാനിസ്താന്‍ സിഇഒ അബ്ദുല്ലാ അബ്ദുല്ല എന്നിവരാണിവര്‍. രാഷ്ട്രപതി പ്രണബ് മുഖര്‍ജി ചടങ്ങില്‍ നിന്നു നേരത്തേ പിന്‍മാറിയിരുന്നു. യമുന തീരത്ത് ഇന്നലെയാണു പരിപാടി ആരംഭിച്ചത്. ഇന്നത്തെ സെഷനായ ലോകനേതാക്കളുടെ സമ്മേളനത്തില്‍ പങ്കെടുക്കാനാണ് ഇവരെ ക്ഷണിച്ചിരുന്നത്.
യുഎഇയുടെയും മംഗോളിയയുടെയും സാംസ്‌കാരികമന്ത്രിമാരും പങ്കെടുക്കില്ലെന്നു നേരത്തേ അറിയിച്ചിരുന്നു. ഇന്നലെ രാജ്യതലസ്ഥാനത്ത് എത്തിയ മുഗാബെ തിരിച്ചുപോയതായി റിപോര്‍ട്ടുണ്ട്. രാഷ്ട്രപതി പിന്‍മാറിയ സാഹചര്യത്തില്‍ പ്രോട്ടോകോള്‍ വിഷയം ചൂണ്ടിക്കാട്ടിയാണു വിദേശനേതാക്കളുടെ പിന്‍മാറ്റം. അഫ്ഗാന്‍ മുന്‍ പ്രസിഡന്റ് ഹാമിദ് കര്‍സായിയും പാക് മുന്‍ പ്രസിഡന്റ് യൂസുഫ് റസാ ഗിലാനിയും വരില്ലെന്നാണു സൂചന.
ആരോഗ്യപ്രശ്‌നങ്ങള്‍ മൂലമാണ് മൈത്രിപാല സിരിസേനയുടെ പിന്‍മാറ്റം. സാങ്കേതിക കാരണങ്ങളാല്‍ വരാനാവില്ലെന്നാണു നേപ്പാള്‍ പ്രസിഡന്റ് അറിയിച്ചത്. പകരം ഉപപ്രധാനമന്ത്രി കമല്‍ ഥാപ പങ്കെടുക്കും.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക