|    Jul 21 Fri, 2017 4:29 pm
FLASH NEWS
Home   >  Kerala   >  

വിവാഹ ദിവസം കാമുകനൊപ്പം ഒളിച്ചോടിയ പെണ്‍കുട്ടിയെ ഹൈക്കോടതി മാതാപിതാക്കള്‍ക്കൊപ്പം വിട്ടു

Published : 7th April 2016 | Posted By: swapna en

highcourtinfo

കൊച്ചി:കൊയിലാണ്ടിയില്‍ വിവാഹ ദിവസം കാമുകനൊപ്പം ഒളിച്ചോടിയ പെണ്‍കുട്ടിയെ കോടതി മാതാപിതാക്കള്‍ക്കൊപ്പം വിട്ടു. മറ്റൊരു വിവാഹത്തിന് വീട്ടുകാര്‍ നിര്‍ബന്ധിക്കരുതെന്നും പഠനം തുടരാന്‍ അനുവദിക്കണമെന്നും കോടതി ഉപാധിവച്ചിട്ടുണ്ട്.
മാതാപിതാക്കള്‍ക്കൊപ്പം പോവമെന്ന് പെണ്‍കുട്ടി സമ്മതിച്ചതിനെ തുടര്‍ന്നാണ് ജസ്റ്റിസ് സികെ അബ്ദുല്‍ റഹീം, ജസ്റ്റിസ് ഷാജി പി ചാലി എന്നിവരടങ്ങിയ ഡിവിഷന്‍ ബെഞ്ചിന്റെ നടപടി.
കഴിഞ്ഞ മാസമാണ് പെണ്‍കുട്ടി വിവാഹദിവസ ചടങ്ങിനിടെ കാമുകനൊപ്പം ഒളിച്ചോടിയത്. തുടര്‍ന്ന്  ഹിന്ദു ആചാര പ്രകാരം വിവാഹിതരായിരുന്നു. സ്വന്തം ഇഷ്ടപ്രകാരമാണ് വീടുവിട്ടതെന്ന് പെണ്‍കുട്ടി അന്ന് സ്റ്റേഷനില്‍ പറഞ്ഞിരുന്നു. പിന്നീട് പെണ്‍കുട്ടിയുടെ പിതാവ് ഹേബിയസ് കോര്‍പ്പസ് ഫയല്‍ ചെയ്തതിനെ  തുടര്‍ന്ന് പെണ്‍കുട്ടി കോടതിയില്‍ ഹാജരായിരുന്നു. തുടര്‍ന്ന് നടന്ന കൗണ്‍സിലിങിന് ശേഷം പെണ്‍കുട്ടി വീട്ടുകാരോടൊപ്പം പോവാന്‍ സന്നദ്ധത പ്രകടിപ്പിച്ചിരുന്നു. പിന്നീട് കോടതി പെണ്‍കുട്ടിയെ അഞ്ചുദിവസത്തേക്ക്് മാതാപിതാക്കള്‍ക്കൊപ്പം വിട്ടു.  ശേഷം ഇന്ന് ഹൈക്കോടതി കേസ് പരിഗണിക്കവെയാണ് പെണ്‍കുട്ടിയെ മാതാപിതാക്കള്‍ക്കൊപ്പം വിടാന്‍ തീരുമാനിച്ചത്.  നമ്പ്രത്തുകര സംസ്‌കൃത കോളജിലെ ബിരുദ വിദ്യാര്‍ത്ഥികളാണ് ഇരുവരും.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക