|    Oct 16 Tue, 2018 10:57 pm
FLASH NEWS
Home   >  Todays Paper  >  page 7  >  

വിവാഹേതര ബന്ധം: യുവതിയെ മരത്തില്‍ കെട്ടിയിട്ട് മര്‍ദിച്ചു

Published : 28th September 2018 | Posted By: kasim kzm

ഗോമതി: വിവാഹേതരബന്ധം പുലര്‍ത്തിയെന്നാരോപിച്ച് യുവതിയെ ആള്‍ക്കൂട്ടം മരത്തില്‍ കെട്ടിയിട്ടു മര്‍ദിക്കുകയും ചെരിപ്പുമാല അണിയിക്കുകയും ചെയ്തു. ഗോമതി ജില്ലയിലെ പുര്‍ഭാ രംഗമതി ഗ്രാമത്തിലാണു സംഭവം. സ്ഥലത്തെത്തിയ പോലിസ് ആക്രമണം നടത്തിയ ആളുകള്‍ക്കെതിരേ കേസെടുത്തില്ല.
എന്നാല്‍, യുവതിയുമായി ബന്ധമുണ്ടെന്നാരോപിക്കുന്ന രഞ്ജിത് ദാസെന്ന യുവാവിനെ പോലിസ് കസ്റ്റഡിയിലെടുത്തു. യുവതിയുമായി ഒരുമിച്ചു കണ്ടതിനെ തുടര്‍ന്ന് ദാസുമായി ഭാര്യ വഴക്കിട്ടിരുന്നു. കലഹത്തിനിടെ പരിക്കേറ്റ ഭാര്യ കഴിഞ്ഞദിവസം മരിച്ചു. ഇതിനെ തുടര്‍ന്ന് സംഘടിച്ചെത്തിയ നാട്ടുകാര്‍ ദാസുമായി ബന്ധമുണ്ടെന്നാരോപിക്കുന്ന യുവതിയെ പണിസ്ഥലത്ത് നിന്നു പിടികൂടുകയും മരത്തില്‍ കെട്ടിയിടുകയും ചെരിപ്പുമാല അണിയിക്കുകയുമായിരുന്നു.
ആക്രമണത്തെ തുടര്‍ന്ന് ബോധരഹിതയായ യുവതിയെ സ്ഥലത്തെത്തിയ പോലിസാണ് രക്ഷപ്പെടുത്തിയത്. എഴുതാനറിയാത്ത യുവതിയുടെ പരാതി വാമൊഴിയായി സ്വീകരിച്ചിട്ടുണ്ടെന്നും ആക്രമിച്ച പ്രതികളെ ഉടന്‍ പിടികൂടാനാവുമെന്നാണു പ്രതീക്ഷയെന്നും ഗോമതി അഡീഷനല്‍ പോലിസ് സൂപ്രണ്ട് നബദീപ് ജമാട്ടിയ പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss