|    Oct 23 Mon, 2017 11:41 am
FLASH NEWS

വിവാഹിതയായ യുവതിയെ വീണ്ടും വിവാഹം കഴിപ്പിച്ചെന്ന്‌

Published : 18th May 2017 | Posted By: fsq

 

പൊന്നാനി: നിലവില്‍ വിവാഹിതയായ യുവതിയെ രണ്ടാമതും മറ്റൊരാള്‍ക്ക് വിവാഹം കഴിപ്പിച്ചുകൊടുത്തതായി പരാതി .ഇതിന് ഒത്താശ ചെയ്തുകൊടുത്ത പൊന്നാനി അഴീക്കല്‍ തഖ്വവ പള്ളിയിലെ ഖത്തീബിനെതിരെ പ്രതിഷേധമുയര്‍ന്നിട്ടുണ്ട്. പാലപ്പെട്ടിയിലാണ് യുവതിയുടെ നിലവിലെ ഭര്‍ത്താവ്. ഇവരിപ്പോള്‍ സുഖമില്ലാതെ ആശുപത്രിയില്‍ ചികില്‍സയിലാണ്. എന്നാല്‍ ഇക്കാര്യം മറച്ചുവെച്ചു കൊണ്ട് യുവതി രണ്ടാമതും വിവാഹത്തിന് തയ്യാറാവുകയായിരുന്നു. ആദ്യ വിവാഹം വിവാഹമോചനം ചെയ്തതായാണ് അഴിക്കല്‍ പള്ളി ഖത്തീബിനെ അറിയിച്ചിരുന്നത്. എന്നാല്‍ ഇക്കാര്യം അന്വേഷിക്കാന്‍ ഖത്തീബ് തയ്യാറാകാതെ യുവതിയെ രണ്ടാമതും വിവാഹം കഴിപ്പിക്കുകയായിരുന്നു. സംഭവം പുറത്തായതോടെ പാലപ്പെട്ടി മഹല്ല് കമ്മിറ്റി ആഴിക്കലിലെ പള്ളി ഭാരവാഹികളെ വിഷയം അറിയിച്ചു. തന്നെ തെറ്റിദ്ധരിപ്പിച്ചതുകൊണ്ടാണ് വിവാഹത്തിന് കാര്‍മ്മികത്വം വഹിച്ചതെന്ന് ഖത്തീബ് വിശദീകരിച്ചു. യുവതിയുടെ വീട്ടുകാര്‍ തന്നെ വഞ്ചിക്കുകയായിരുന്നു വെന്ന് ഖത്തീബ് പറയുന്നു. മത നിയമപ്രകാരം ഒരാളുടെ ഭാര്യക്ക് വിവാഹമോചനം നേടാതെ രണ്ടാമത് വിവാഹം ചെയ്യാനാവില്ല .ഈ നിക്കാഹ് അഴീക്കലിലെ മഹല്ല് അറിയാതെയാണ് ഖത്തീബ് നിര്‍വഹിച്ചത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക