|    Oct 23 Mon, 2017 2:51 am
Home   >  Todays Paper  >  Page 1  >  

വിവാഹത്തോടെ മതം മാറുമോ എന്ന ഹരജി ഭരണഘടനാ ബെഞ്ചിന്

Published : 10th October 2017 | Posted By: mi.ptk

ന്യൂഡല്‍ഹി: മിശ്രവിവാഹിതരാവുന്നതോടെ സ്ത്രീകള്‍ പൂര്‍വമതത്തില്‍ നിന്നു വ്യതിചലിച്ച് ഭര്‍ത്താവിന്റെ മതത്തിലേക്കു സ്വയം ചേരുമോ എന്ന ഹരജി സുപ്രിംകോടതിയുടെ അഞ്ചംഗ ബെഞ്ചിന്റെ പരിഗണനയ്ക്ക് വിട്ടു. ഗുജറാത്തിലെ പാഴ്‌സി വിഭാഗത്തില്‍പെട്ട യുവതിയുടെ കേസാണ് ചീഫ് ജസ്റ്റിസ് ദീപക് മിശ്ര, ജസ്റ്റിസുമാരായ ഡി വൈ ചന്ദ്രചൂഡ്, എ എം ഖാന്‍വില്‍കര്‍ എന്നിവരടങ്ങിയ മൂന്നംഗ ബെഞ്ചിനു മുന്നിലുള്ളത്. നിയമപ്രകാരം, സ്ത്രീ ഇതരമതസ്ഥനെ വിവാഹം ചെയ്യുന്നതോടെ അവര്‍ ഭര്‍ത്താവിന്റെ മതത്തില്‍ എത്തുകയായി. ഈ നിയമം ഭേദഗതി ചെയ്യണമെന്നതാണ് യുവതിയുടെ ആവശ്യം. പാഴ്‌സി വ്യക്തിനിയമത്തിലെ ഈ വകുപ്പ് നേരത്തേ ഗുജറാത്ത് ഹൈക്കോടതി ശരിവച്ചിരുന്നു. ഹരജിക്കാര്‍ക്കു വേണ്ടി ഹാജരായ മുതിര്‍ന്ന അഭിഭാഷക ഇന്ദിരാ ജയ്‌സിങ്, ഇതരമതസ്ഥനെ വിവാഹം ചെയ്ത സ്ത്രീ അവരുടെ പൂര്‍വമതത്തില്‍ നിന്നു പുറത്താവില്ലെന്ന് വാദിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക