|    Nov 18 Sun, 2018 3:01 am
FLASH NEWS
Home   >  National   >  

വിവാഹത്തിന് തയ്യാറാകാത്ത കാമുകന്റെ ജനനേന്ദ്രിയം മുറിച്ചു;യുവതി പിടിയില്‍

Published : 26th June 2017 | Posted By: mi.ptk

ന്യൂഡല്‍ഹി: വിവാഹത്തിന് തയ്യാറാകാതിരുന്ന കാമുകന്റെ ജനനേന്ദ്രിയം മുറിച്ച യുവതി പോലീസ് പിടിയില്‍. കഴിഞ്ഞദിവസമാണ് ഒളിവിലായിരുന്ന 23കാരിയായ യുവതിയെ പോലീസ് പിടികൂടിയത്. യുവാവിനെ ആക്രമിക്കാനുപയോഗിച്ച കത്തി പോലീസ് യുവതിയുടെ വീട്ടില്‍ നിന്ന് കണ്ടെത്തിയിട്ടുണ്ട്.
കഴിഞ്ഞ ബുധനാഴ്ച ഡല്‍ഹിയിലെ മംഗോള്‍പുരിയിലാണ് സംഭവം. കച്ചവടക്കാരനായ രവി(35)ആണ് ആക്രമിക്കപ്പെട്ടത്. നാല് വര്‍ഷമായി ഇരുവരും പ്രണയത്തിലായിരുന്നു. എന്നാല്‍ പിന്നീട് വിവാഹത്തില്‍ നിന്ന് യുവാവ് പിന്‍മാറി. ഇതേതുടര്‍ന്ന് യുവതി യുവാവിനെ വീട്ടിലേക്ക് വിളിച്ചുവരുത്തി ആക്രമിക്കുകയായിരുന്നു.
വീട്ടിലെത്തിയ യുവാവും യുവതിയും തമ്മില്‍ വിവാഹത്തെചൊല്ലി തര്‍ക്കമുണ്ടായി. എന്നാല്‍, വീട്ടുകാര്‍ സമ്മതിക്കാത്തതിനാല്‍ വിവാഹം കഴിക്കാന്‍ സാധിക്കില്ലെന്ന് പറഞ്ഞ് യുവാവ് ഒഴിഞ്ഞുമാറുകയായിരുന്നു. തുടര്‍ന്ന് യുവതി അടുക്കളയിലിരുന്ന കറകത്തിയെടുത്ത് യുവാവിന്റെ ജനനേന്ദ്രിയം മുറിക്കുകയായിരുന്നു. ഈ സമയം യുവതിയുടെ സഹോദരനും ഭാര്യയും വീട്ടിലുണ്ടായിരുന്നെങ്കിലും യുവതിയെ തടയാന്‍ തയ്യാറായില്ലെന്ന് യുവാവ് നല്‍കിയ പരാതിയില്‍ പറയുന്നു. മുറിവേറ്റ യുവാവ് പുറത്തേക്ക് ഓടുന്നതുകണ്ട അയല്‍വാസികളാണ് പോലീസില്‍ വിവരമറിയിച്ചത്. പോലീസ് എത്തി ഇയാളെ ആശുപത്രിയില്‍ പ്രവേശിപ്പിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss