|    Nov 25 Sat, 2017 7:39 am
FLASH NEWS

വിവാദ യൂനിഫോം പുറത്തു വിട്ടയാള്‍ക്കെതിരേ കേസെടുത്തതിനെ ന്യായീകരിച്ച് എസ് പി

Published : 9th June 2017 | Posted By: fsq

 

കോട്ടയം: വിദ്യാര്‍ഥിനികളെ മോശമായി ചിത്രീകരിക്കുന്ന തരത്തില്‍ യൂനിഫോം ഡിസൈന്‍ ചെയ്ത സംഭവം സമൂഹ മാധ്യമങ്ങളില്‍ പ്രചരിപ്പിച്ചയാള്‍ക്കെതിരേ പോക്‌സോ നിയമം അടക്കമുള്ളവ ചുമത്തി കേസെടുത്തതിനെ ന്യായീകരിച്ച് എസ്പി രംഗത്ത്. അരുവിത്തുറ സെന്റ് അല്‍ഫോണ്‍സാ പബ്ലിക് സ്‌കൂള്‍ ആന്റ് ജൂനിയര്‍ കോളജിലെ യൂനിഫോമാണ് വിവാദമായത്. ഓണ്‍ലൈനില്‍ക്കൂടി പ്രചരിച്ചത് സ്‌കൂളിലെ യഥാര്‍ഥ യൂനിഫോമായിരുന്നില്ല. യൂനിഫോമിന്റെ ചിത്രം വികലമാക്കിയാണ് പ്രചരിപ്പിച്ചത്. വിദ്യാര്‍ഥികളുടെ ചിത്രങ്ങള്‍ ഇത്തരത്തില്‍ പ്രചരിപ്പിക്കുന്നത് തെറ്റാണ്. അതാണ് കേസെടുത്തത്. കുട്ടികളുടെ മുഖം ചിത്രത്തില്‍ നല്ലതുപോലെ തിരിച്ചറിയാന്‍ കഴിയും.ഈരാറ്റുപേട്ട പോലിസ് സ്‌റ്റേഷനില്‍ ഒരു വ്യക്തി നല്‍കിയ പരാതിയുടെ അടിസ്ഥാനത്തിലാണ് കുട്ടികളുടെ ചിത്രം പ്രചരിപ്പിച്ചയാള്‍ക്കെതിരേ കേസെടുത്തത്. എന്നാല്‍, വിവാദ യൂനിഫോം തയ്യാറാക്കിയ സ്‌കൂള്‍ അധികൃതര്‍ക്കെതിരേ കേസെടുക്കാത്തത് സംബന്ധിച്ച് വ്യക്തമായ മറുപടി നല്‍കാന്‍ എസ്പി തയ്യാറായില്ല.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക