|    Aug 21 Tue, 2018 7:27 am
FLASH NEWS

വിവാദ ഭൂമിയില്‍ ഇറക്കിയ നെല്‍കൃഷി വിളവെടുത്തു

Published : 5th February 2018 | Posted By: kasim kzm

മാള: വിവാദ സ്വാമി സന്തോഷ് മാധവനില്‍ നിന്നും സര്‍ക്കാര്‍ ഏറ്റെടുത്ത ഭൂമിയില്‍ ഇറക്കിയ നെല്‍കൃഷിയുടെ വിളവെടുപ്പ് നടത്തി. അഡ്വ വി ആര്‍ സുനില്‍കുമാര്‍ എം എല്‍ എ  ഉദ്ഘാടനം ചെയ്തു. പൊയ്യ ഗ്രാമപഞ്ചായത്തംഗം പി എം അയ്യപ്പന്‍കുട്ടി അധ്യക്ഷത വഹിച്ചു. ഗ്രാമപഞ്ചായത്തംഗങ്ങളായ മിനി അശോകന്‍, എ എസ് വിജേഷ്, കൃഷി ഓഫീസര്‍ ശബ്‌നം പടിയത്ത്, നന്‍മ കര്‍ഷക സംഘം പ്രസിഡന്റ് പി ജെ പോള്‍, സെക്രട്ടറി കെ വി ടൈറ്റസ് സംസാരിച്ചു. കഴിഞ്ഞ ഒക്ടോബര്‍ അഞ്ചിന് കൃഷി മന്ത്രി വി എസ് സുനില്‍കുമാര്‍ വിത്തിടല്‍ ഉദ്ഘാടനം ചെയ്ത 10 ഏക്കറിലെ കൃഷിയാണ് വിളവെടുത്തത്. സംസ്ഥാന സര്‍ക്കാരിന്റെ തരിശ് രഹിത പദ്ധതിയുടെ ഭാഗമായി പൊയ്യ പഞ്ചായത്തിലെ എട്ടാം വാര്‍ഡില്‍ പെടുന്ന ഭൂമിയില്‍ 15 പേരടങ്ങുന്ന നന്‍മ കര്‍ഷക സംഘത്തിന്റെ ആഭിമുഖ്യത്തില്‍ ജ്യോതി നെല്ലാണ് കൃഷി ചെയ്തിരുന്നത്. ഇതില്‍ നിന്നും മികച്ച വിളവാണ് ലഭിച്ചത്. സന്തോഷ് മാധവനില്‍ നിന്നും പിടിച്ചെടുത്തതും തൃശൂര്‍, എറണാകുളം ജില്ലകളിലായി കിടക്കുന്നതുമായ 129 തൃശ്ശൂര്‍ ജില്ലയിലെ 10 ഏക്കറിലാണ് കൃഷിയിറക്കിയത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss