|    Jul 28 Fri, 2017 2:32 pm
FLASH NEWS
Home   >  Kerala   >  

വിവാദ കത്ത് : സരിതയ്ക്കും മാധ്യമപ്രവര്‍ത്തകര്‍ക്കുമെതിരെ മുഖ്യമന്ത്രി മാനനഷ്ടക്കേസ് നല്‍കി

Published : 8th April 2016 | Posted By: G.A.G

കൊച്ചി: തന്നെ അപകീര്‍ത്തിപ്പെടുത്തുന്ന പരാമര്‍ശങ്ങളടങ്ങിയ കത്ത്് പുറത്തുവിട്ടതിന് സോളാര്‍ കേസിലെ പ്രതി സരിത എസ്. നായര്‍ക്കും മാധ്യമപ്രവര്‍ത്തകര്‍ക്കുമെതിരെ മുഖ്യമന്ത്രി ഉമ്മന്‍ ചാണ്ടി എറണാകുളം സിജെഎം കോടതിയില്‍ ക്രിമിനല്‍ കേസ് ഫയല്‍ ചെയ്തു. സരിത പുറത്തുവിട്ട കത്ത് പ്രസിദ്ധീകരിച്ചതിന്റെ പേരിലാണ് ഏഷ്യാനെറ്റ് ന്യൂസ്, കൈരളി പീപ്പിള്‍ എന്നീ ചാനലുകളിലെ നാലു മാധ്യമപ്രവര്‍ത്തകര്‍ക്കെതിരെയും മുഖ്യമന്ത്രി നിയമനടപടിയെടുത്തത്. കൈരളി പീപ്പിള്‍ ചാനലില്‍ ഡെപ്യൂട്ടി എഡിറ്റര്‍ മനോജ് വര്‍മ, സീനിയര്‍ ന്യൂസ് എഡിറ്റര്‍ കെ രാജേന്ദ്രന്‍, ഏഷ്യാനെറ്റ്് ന്യൂസ് എഡിറ്റര്‍ എംജി രാധാകൃഷ്ണന്‍, ഏഷ്യാനെറ്റ് ന്യൂസ് കോ ഓര്‍ഡിനേറ്റിങ് എഡിറ്റര്‍ വിനു വി ജോണ്‍ എന്നിവര്‍ക്കെതിരെയാണ് കേസ്.
തന്നെ ലൈംഗികമായി പീഡിപ്പിച്ചുവെന്നും കോഴ വാങ്ങിയെന്നതുമുള്‍പ്പടെയുള്ള ആരോപണങ്ങളാണ് സരിതയുടെ കത്തിലുള്ളത്. തിരഞ്ഞൈടുപ്പ് ലക്ഷ്യമിട്ട് അടിസ്ഥാനമില്ലാത്ത ആരോപണങ്ങള്‍ ഉന്നയിക്കുകയാണ് എന്നാരോപിച്ചാണ് മുഖ്യമന്ത്രി ഗൂഡാലോചനക്കുറ്റം കൂടി ആരോപിച്ച് ക്രിമിനല്‍ കേസ് നല്‍കിയിട്ടുള്ളത്.
ഈ മാസം 28നാണ് കേസില്‍ വാദം കേള്‍ക്കുക

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക