|    Jan 24 Tue, 2017 10:44 pm
FLASH NEWS

വിവരാവകാശം: വിജിലന്‍സിനെ ഒഴിവാക്കിയതില്‍ വിശദീകരണം തേടി

Published : 20th March 2016 | Posted By: SMR

തിരുവനന്തപുരം: വിജിലന്‍സിനെ വിവരാവകാശത്തില്‍നിന്ന് ഒഴിവാക്കിയ സര്‍ക്കാര്‍ നടപടിക്കെതിരേ പ്രതിഷേധം ശക്തം. വിവരാവകാശ കമ്മീഷണര്‍ പൊതുഭരണ വകുപ്പിനോടു വിശദീകരണം തേടി. വിജിലന്‍സിനെ ഒഴിവാക്കുന്നതു സംബന്ധിച്ച ഫയല്‍ ഹാജരാക്കാന്‍ മുഖ്യ വിവരാവകാശ കമ്മീഷണര്‍ സിബി മാത്യൂസ് നിര്‍ദേശിച്ചു. വി എസ് അച്യുതാനന്ദന്‍ നല്‍കിയ കത്തിനെത്തുടര്‍ന്നാണു നടപടി.
തിരഞ്ഞെടുപ്പ് അടുത്ത വേളയില്‍ മുഖ്യമന്ത്രിയുടെയും മന്ത്രിമാരുടെയും ഉന്നത ഉദ്യോഗസ്ഥരുടെയും അഴിമതിക്കഥകള്‍ പുറംലോകം അറിയുമെന്ന ഭയംകൊണ്ടാണ് സര്‍ക്കാരിന്റെ നീക്കമെന്ന് സിപിഎം ആരോപിച്ചു.
വിജ്ഞാപനം പിന്‍വലിക്കണമെന്ന് വി എം സുധീരന്‍ ആവശ്യപ്പെട്ടു. ഇക്കഴിഞ്ഞ ജനുവരി 27ലെ ഉത്തരവിലാണ് മുഖ്യമന്ത്രി, മന്ത്രിമാര്‍, എംപി, എംഎല്‍എ, ഐഎഎസ്-ഐപിഎസ് ഉദ്യോഗസ്ഥര്‍ എന്നിവരെ വിവരാവകാശവുമായി ബന്ധപ്പെട്ട് വിജിലന്‍സിന്റെ പരിധിയില്‍ നിന്ന് സര്‍ക്കാര്‍ ഒഴിവാക്കിയത്.വിവരാവകാശ നിയമത്തിന്റെ 24 (4) വകുപ്പ് ഉപയോഗിച്ചാണു നടപടി. രാജ്യസുരക്ഷയുമായി ബന്ധപ്പെട്ട് ഇന്റലിജന്‍സ്-സുരക്ഷാ ഏജന്‍സികളെ മാത്രം ഒഴിവാക്കാനേ ഈ വകുപ്പ് ഉപയോഗിക്കാവൂ. അഴിമതി അന്വേഷിക്കുന്ന വിജിലന്‍സ് വകുപ്പിനെ ഒഴിവാക്കാന്‍ നിയമം അനുശാസിക്കുന്നില്ല.

Share on FacebookShare on Google+Tweet about this on TwitterShare on LinkedIn
(Visited 123 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക