|    May 25 Thu, 2017 6:58 am
FLASH NEWS

വിഴിഞ്ഞം: നിലപാട് അറിയിക്കണമെന്ന് സുപ്രിംകോടതി

Published : 15th December 2015 | Posted By: SMR

ന്യൂഡല്‍ഹി: വിഴിഞ്ഞം തുറമുഖത്തിനു ലഭിച്ച പരിസ്ഥിതി അനുമതി കേസില്‍ കക്ഷിചേരണമെന്ന അപേക്ഷയില്‍ നിലപാട് അറിയിക്കണമെന്ന് കേന്ദ്ര-സംസ്ഥാന സര്‍ക്കാരുകളോട് സുപ്രിംകോടതി.
കേസില്‍ കക്ഷിചേരാനായി വലിയതുറ സ്വദേശി ആന്റോ ഏലിയാസ് നല്‍കിയ അപേക്ഷയി ല്‍ നിലപാട് അറിയിക്കാന്‍ കേന്ദ്ര-സംസ്ഥാന സര്‍ക്കാരുകള്‍ക്ക് സുപ്രിംകോടതി നിര്‍ദേശം നല്‍കി. നാലാഴ്ചയ്ക്കകം കക്ഷികള്‍ നിലപാട് അറിയിക്കണം. ജസ്റ്റിസ് വിക്രംജിത് സെ ന്‍ അധ്യക്ഷനായ ബെഞ്ച്, ചേംബറിലാണ് അപേക്ഷ പരിശോധിച്ചത്.
വിഴിഞ്ഞം തുറമുഖത്തിനു ലഭിച്ച പരിസ്ഥിതി അനുമതി ചോദ്യംചെയ്തുള്ള ഹരജികളി ല്‍ വാദംകേള്‍ക്കാന്‍ അധികാരമുണ്ടെന്ന ദേശീയ ഹരിത ട്രൈബ്യൂണല്‍ പ്രിന്‍സിപ്പല്‍ ബെഞ്ചിന്റെ ഉത്തരവിനെതിരേ തുറമുഖ കമ്പനിയും കേന്ദ്ര-സംസ്ഥാന സര്‍ക്കാരുകളും നല്‍കിയ ഹരജികളാണ് സുപ്രിംകോടതി പരിഗണിക്കുന്നത്. ഈ കേസില്‍ കക്ഷിചേരണമെന്നാണ് ഹരജിക്കാരന്റെ ആവശ്യം. ഹരിത ട്രൈബ്യൂണലിലുള്ള കേസി ല്‍ കക്ഷിയാണെന്നും നടപടിക ള്‍ സ്റ്റേ ചെയ്തുകൊണ്ടുള്ള നോട്ടീസ് തനിക്കു ലഭ്യമായില്ലെന്നും ഹരജിയില്‍ പറയുന്നു.
വിഴിഞ്ഞം തുറമുഖപദ്ധതി നി ര്‍മാണം തടയണമെന്ന മറ്റൊരു അപേക്ഷയും ഹരജിക്കാരന്‍ സമര്‍പ്പിച്ചിട്ടുണ്ട്. ഇക്കാര്യം കേസി ല്‍ കക്ഷിചേരാന്‍ അനുവദിച്ചതിനു ശേഷം മാത്രമേ കോടതി പരിഗണിക്കുകയുള്ളൂ. ഹരജികള്‍ കോടതിയുടെ പരിഗണനയിലിരിക്കെ പദ്ധതിക്കായി ഡ്രഡ്ജിങ് ഉ ള്‍പ്പെടെയുള്ള നടപടികള്‍ തുടങ്ങുന്നത് നിയമവിരുദ്ധമാണെന്നാണ് ഹരജിയിലെ പ്രധാന ആരോപണം.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day