|    Mar 28 Tue, 2017 1:59 pm
FLASH NEWS

വിയ്യൂര്‍ വധശ്രമക്കേസില്‍ ഒളിവിലായിരുന്ന പ്രതി പിടിയില്‍

Published : 13th May 2016 | Posted By: SMR

തൃശൂര്‍: വിയ്യൂര്‍ വധശ്രമക്കേസില്‍ ഒളിവിലായിരുന്ന പ്രതി പിടിയില്‍. തൃശൂര്‍ പൊങ്ങണംകാട് മേലിക്കാട്ടില്‍ വീട്ടില്‍ ശരത്ത് വേണുഗോപാലി (28)നെയാണ് വിയ്യൂര്‍ പോലിസ് മുംബൈ എയര്‍പോര്‍ട്ടില്‍ വച്ച് കസ്റ്റഡിയിലെടുത്തത്.
2015 നവംബര്‍ മാസം പൊങ്ങണാംകാടുള്ള ഷാജന്‍ എന്നയാളെ പൂര്‍വവൈരാഗ്യത്താല്‍ കൊലപ്പെടുത്താന്‍ ശ്രമിച്ച കേസിലെ പ്രതിയായ ശരത്ത് വേണുഗോപാല്‍ സംഭവത്തിനുശേഷം വിദേശത്ത് ഒളിവില്‍ കഴിഞ്ഞു വരികയായിരുന്നു. പ്രതിക്കെതിരേ വിയ്യൂര്‍ പോലിസ് ലുക്ക് ഒൗട്ട് നോട്ടിസ് പുറപ്പെടുവിച്ചിരുന്നു. പോലിസിനെ കബളിപ്പിച്ച് നാട്ടില്‍ വന്ന് വോട്ട് ചെയ്യുന്നതിനു വേണ്ടി മുംബൈ എയര്‍പോര്‍ട്ടില്‍ വിമാനമിറങ്ങിയ പ്രതിയെ ലുക്ക് ഒൗട്ട് നോട്ടിസിലെ വിവരങ്ങളനുസരിച്ച് എയര്‍പോര്‍ട്ട് അധികൃതര്‍ തടഞ്ഞുവെക്കുകയായിരുന്നു.
പ്രതിയെ വിയ്യൂര്‍ എസ്‌ഐ മഞ്ജുദാസും എഎസ്‌ഐ രാജനും കഴിഞ്ഞ ദിവസം മുംബൈയിലെത്തി കസ്റ്റഡിയില്‍ എടുത്തു. ഇന്നലെ വിയ്യൂരിലെത്തിച്ച പ്രതിയെ പരാതിക്കാരന്‍ കണ്ട് തിരിച്ചറിഞ്ഞശേഷം ഉച്ചയോടെ പേരാമംഗലം സര്‍ക്കിള്‍ ഇന്‍സ്‌പെക്ടര്‍ എം വി മണികണ്ഠന്‍ അറസ്റ്റ് ചെയ്തു. ഗുരുവായൂര്‍ അസ്സിസ്റ്റന്റ് കമ്മീഷണര്‍ ജയചന്ദ്രന്‍പിള്ളയുടെ നിര്‍ദേശത്തെ തുടര്‍ന്നായിരുന്നു പ്രതിക്കെതിരേ ലുക്ക് ഒൗട്ട് നോട്ടിസ് പുറപ്പെടുവിച്ചിരുന്നത്.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day