|    Oct 19 Thu, 2017 4:52 pm
FLASH NEWS

വിയോജിപ്പിന്റെ ശബ്ദങ്ങള്‍ ഫാഷിസം ഭയക്കുന്നു: റഊഫ്

Published : 4th October 2017 | Posted By: fsq

 

കടയ്ക്കല്‍: വിയോജിപ്പിന്റെ ശബ്ദങ്ങള്‍ ഫാഷിസം ഭയക്കുന്നതായി കാംപസ് ഫ്രണ്ട് ദേശീയ നിര്‍വാഹക സമിതി അംഗം റഊഫ് അഞ്ചല്‍ പറഞ്ഞു. പോപുലര്‍ ഫ്രണ്ട് കടയ്ക്കല്‍ ഡിവിഷന്‍ കമ്മിറ്റി സംഘടിപ്പിച്ച കിഴക്കന്‍ മേഖലാ വാഹന പ്രചാരണ ജാഥയുടെ സമാപനം നിലമേലില്‍ ഉദ്ഘാടനം ചെയ്യുകയായിരുന്നു അദ്ദേഹം.രാജ്യത്ത് സംഘ പരിവാര്‍ ശക്തികളെ ചെറുക്കുന്ന സംഘങ്ങളെയും രാജ്യത്തിന്റെ സ്വാതന്ത്രത്തിന് വേണ്ടി സ്വന്തം ജീവനും ജീവിതവും നല്‍കിയ മുസ്‌ലിം സമൂഹത്തേയും ത്രീവ്രവാദികളാക്കി സംഘപരിവാരം മുദ്ര കുത്തുകയാണന്നും അദ്ദേഹം പറഞ്ഞു. സമാപന സമ്മേളനത്തിന് ഡിവിഷന്‍ സെക്രട്ടറി നജീം മുക്കുന്നം അധ്യക്ഷത വഹിച്ചു. നിലമേല്‍ ഏരിയാ പ്രസിഡന്റ് അബ്ദുല്‍ സലാം ഫൈസി സംസാരിച്ചു. രാവിലെ എട്ടിന് കുളത്തുപ്പുഴയില്‍ നിന്നാണ് ജാഥ പര്യടനം ആരംഭിച്ചത്. വാഹന പ്രചാരണ ജാഥയുടെ ഉദ്ഘാടനം പോപുലര്‍ ഫ്രണ്ട് കടയ്ക്കല്‍ ഡിവിഷന്‍ പ്രസിഡന്റ് ഷബീര്‍ ഖാന്‍ മൗലവി ഡിവിഷന്‍ സെക്രട്ടറി നജീം മുക്കുന്നത്തിന് പതാക കൈമാറി നിര്‍വഹിച്ചു. ജാഥയില്‍ ഉടനീളം അതിജീവന കലാസംഘം അവതിപ്പിക്കുന്ന ഞങ്ങള്‍ക്കും പറയാന്‍ ഉണ്ട് എന്ന നാടകവും അരങ്ങേറി. പ്രചാരണ ജാഥ ഇന്ന് കൈതോട് നിന്ന് ആരംഭിച്ച ഓയൂരില്‍ സമാപിക്കും.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക