|    Jun 20 Wed, 2018 1:57 am
Home   >  Todays Paper  >  page 9  >  

വിമാനയാത്രാ അഴിമതി : യുഎസില്‍ ഉന്നത ഉദ്യോഗസ്ഥന്‍ രാജിവച്ചു

Published : 1st October 2017 | Posted By: fsq

 

വാഷിങ്ടണ്‍: യുഎസ് പ്രസിഡന്റ് ഡോണള്‍ഡ് ട്രംപിന്റെ ആരോഗ്യ സേവനവിഭാഗം സെക്രട്ടറി ടോം പ്രീസ് രാജിവച്ചു. സ്വകാര്യ ജെറ്റ് അഴിമതിയില്‍ പ്രീസിനെതിരേ പ്രതിഷേധമുയരുന്നതിനിടെയാണ് രാജി. രാജ്യത്തെ നികുതിദായകരുടെ പണമുപയോഗിച്ച് വിദേശരാജ്യങ്ങളിലേക്കു നിരവധി തവണ യാത്ര നടത്തിയതായി പൊളിറ്റികോ വെബ്‌സൈറ്റാണ് വാര്‍ത്ത പുറത്തുവിട്ടത്. സൈനിക വിമാനങ്ങളിലും സ്വകാര്യ ജെറ്റ് വിമാനങ്ങളിലും പ്രീസ് ഏഷ്യന്‍ ആഫ്രിക്കന്‍ യൂറോപ്യന്‍ രാജ്യങ്ങളിലേക്കു വ്യക്തിപരമായ ആവശ്യങ്ങള്‍ക്കു യാത്ര ചെയ്തതായി പൊളിറ്റികോ റിപോര്‍ട്ടില്‍ പറയുന്നു. 10 ലക്ഷം ഡോളറിലധികം നികുതിപ്പണമാണ് യാത്രകള്‍ക്കായി ഇയാള്‍ ചെലവഴിച്ചതായി കണക്കാക്കുന്നത്. സംഭവത്തില്‍ യുഎസ് കോണ്‍ഗ്രസ്സും ആരോഗ്യ മനുഷ്യസേവനവകുപ്പും അന്വേഷണം ആരംഭിച്ചു. ട്രംപ് സര്‍ക്കാരിലെ ഉന്നത ഉദ്യോഗസ്ഥര്‍ ഇതിനു മുമ്പും രാജിവയ്ക്കുകയോ പുറത്താക്കപ്പെടുകയോ ചെയ്തിട്ടുണ്ടെങ്കിലും കാബിനറ്റ് റാങ്കിലുള്ള ഒരുദ്യോഗസ്ഥന്‍ സ്ഥാനമൊഴിയുന്നത് ഇതാദ്യമായാണ്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss