|    Nov 13 Tue, 2018 10:07 pm
FLASH NEWS

വിമാനത്താവളത്തിലേക്ക് നാലുവരിപ്പാത: നടപടികള്‍ പുരോഗമിക്കുന്നു

Published : 23rd June 2018 | Posted By: kasim kzm

കല്‍പ്പറ്റ: കണ്ണൂര്‍ വിമാനത്താവളത്തിലേക്കുള്ള നാലുവരിപാത നിര്‍മ്മാണ നടപടികള്‍ക്ക് വേഗതയേറുന്നു. റോഡ് കണക്റ്റിവിറ്റി പാക്കേജില്‍ ഉള്‍പ്പെടുത്തി നടപ്പാക്കുന്ന റോഡിന്റെ നിര്‍മ്മാണ ചുമതല കേരള റോഡ് ഫണ്ട് ബോര്‍ഡിനെ ചുമതലപ്പെടുത്തി. ഇതു സംബന്ധിച്ച് കഴിഞ്ഞ ദിവസം ചേര്‍ന്ന മന്ത്രിസഭ യോഗമാണ് തീരുമാനമെടുത്തത്.
മാനന്തവാടി-തലപ്പുഴ-പാല്‍ച്ചുരം-പേരാവൂര്‍-ശിവപുരം-മട്ടന്നൂര്‍ (63 കി.മീ) കുറ്റിയാടി-നാദാപുരം-കൂത്തുപറമ്പ്-മട്ടന്നൂര്‍ (53 കി.മീ.) റോഡുകള്‍ക്കാണ് അനുമതി നല്‍കിയത്. ഏഴ് റോഡുകളുടെ പ്രപ്പോസലാണ് സമര്‍പ്പിച്ചിരുന്നത്.
നിലവില്‍ പൊതുമരാമത്ത് വകുപ്പിന്റെ കീഴില്‍ സര്‍വേ നടപടികള്‍ അന്തിമഘട്ടത്തിലാണ്. 21 ലക്ഷം രൂപ ചെലവില്‍ ചെന്നൈ ആ സ്ഥാനമായ സ്വകാര്യ കമ്പിനിയാണ് സര്‍വേ നടത്തുന്നത്. തുടര്‍ന്നുള്ള പ്രവര്‍ത്തനങ്ങള്‍ കേരള റോഡ് ഫണ്ടിന്റെ നേതൃത്വത്തിലാണ് നടക്കുക. ഭൂമി ഏറ്റെടുക്കല്‍, കെട്ടിടങ്ങളുടെയും മറ്റും വില നിശ്ചയിക്കല്‍ തുടങ്ങിയ ജോലികളെല്ലാം ഇവരുടെ മേല്‍നോട്ടത്തിലാണ് നടപ്പാക്കുക. ഈ പ്രവര്‍ത്തനങ്ങള്‍ ദ്രുതഗതിയില്‍ പൂര്‍ത്തിയാക്കാനാണ് ലക്ഷ്യമിടുന്നത്.
സര്‍വേ നടപടികളില്‍ എതിര്‍പ്പുകള്‍ ഉയരാത്തതില്‍ അധികൃതര്‍ ആശ്വാസത്തിലാണ്. പാത യാഥാര്‍ഥ്യമായാല്‍ വയനാട്ടുകാര്‍ക്ക് ഏറ്റവും എളുപ്പത്തില്‍ എത്തിപ്പെടാനാകുന്ന വിമാനത്താവളമാകും മട്ടന്നൂരിലേത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss