|    Jul 22 Sun, 2018 6:22 pm
FLASH NEWS

വിദ്യാര്‍ഥിയുടെ മരണം; മൂന്നുപേര്‍ അറസ്റ്റില്‍

Published : 7th March 2018 | Posted By: kasim kzm

ഉദുമ: കാണാതായ പത്താംതരം വിദ്യാര്‍ഥിയെ റെയില്‍വെ ട്രാക്കിനരികിലെ ഓവുചാലില്‍ മരിച്ച നിലയില്‍ കണ്ടെത്തിയ സംഭവത്തില്‍ കൂട്ടുകാരായ മൂന്നുപേരെ ബേക്കല്‍ പോലിസ് അറസ്റ്റ് ചെയ്തു.
മരണപ്പെട്ട മുഹമ്മദ് ജാസിമിന്റെ സുഹൃത്തുക്കളായ സമീര്‍ (20), വിനീഷ് (20), സഹപാഠിയായ 16കാരന്‍ എന്നിവരാണ് അറസ്റ്റിലായത്. മയക്കുമരുന്ന് ഉപയോഗിച്ചുവെന്ന വകുപ്പ് ചേര്‍ത്താണ് പ്രതികളുടെ അറസ്റ്റ്. അറസ്റ്റിലായ 16കാരനെ മജിസ്‌ട്രേറ്റ് കോടതിയില്‍ ഹാജരാക്കി ചില്‍ഡ്രന്‍സ് ഹോമിലേക്ക് മാറ്റി.
മറ്റു രണ്ടുപേരെ ഇന്നലെ കോടതിയില്‍ ഹാജരാക്കി റിമാന്‍ഡ് ചെയ്തു. ചട്ടഞ്ചാല്‍ ഹയര്‍ സെക്കന്‍ഡറി സ്‌കൂളിലെ പത്താംതരം വിദ്യാര്‍ഥിയും മാങ്ങാട് ചോയിച്ചങ്കല്ലിലെ ജാഫറിന്റെ മകനുമായ മുഹമ്മദ് ജാസിമിനെ തിങ്കളാഴ്ച പുലര്‍ച്ചെയാണ് കളനാട് റെയില്‍വെ ട്രാക്കിന് സമീപത്തെ ഓവുചാലില്‍ മരിച്ച നിലയില്‍ കണ്ടെത്തിയത്.
അഴുകിത്തുടങ്ങിയ നിലയിലായിരുന്നു മൃതദേഹം. ട്രെയിനിടിച്ചാണ് പരിക്കേറ്റതെന്നു പോസ്റ്റ്‌മോര്‍ട്ടം റിപോര്‍ട്ടില്‍ വ്യക്തമായിരുന്നു. വിദ്യാര്‍ഥിയുടെ മരണം കൊലപാതകമാണെന്നു ബന്ധുക്കള്‍ പോലിസിന് നല്‍കിയ പരാതിയില്‍ പറയുന്നു. എന്നാല്‍, കൊലപാതകമാണെന്നു സൂചനയില്ലെന്നും ട്രെയിന്‍ തട്ടിയാണ് മരണമെന്നും പോലിസ് പറഞ്ഞു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss