|    Apr 22 Sun, 2018 8:36 am
FLASH NEWS
Home   >  Todays Paper  >  Page 4  >  

വിദ്യാര്‍ഥിനി വീട്ടുതടങ്കലില്‍; ഡിവൈഎസ്പി അനേ്വഷിക്കണം: മനുഷ്യാവകാശ കമ്മീഷന്‍

Published : 20th March 2018 | Posted By: kasim kzm

കൊച്ചി: ഗവ. ലോ കോളജില്‍ പഠിക്കുന്ന അവസാന സെമസ്റ്റര്‍ വിദ്യാര്‍ഥിനിയെ വീട്ടുതടങ്കലിലാക്കിയെന്ന പരാതി ഡിവൈഎസ്പി റാങ്കില്‍ കുറയാത്ത ഉദേ്യാഗസ്ഥന്‍ അനേ്വഷിച്ച് റിപോര്‍ട്ട് ഹാജരാക്കണമെന്ന് സംസ്ഥാന മനുഷ്യാവകാശ കമ്മീഷന്‍ ഉത്തരവ്.
സഹപാഠിയായ വിദ്യാര്‍ഥിനി രഹസ്യമായി കമ്മീഷന് അയച്ച പരാതിയിലാണ് കമ്മീഷന്‍ ആക്ടിങ് അധ്യക്ഷന്‍ പി മോഹനദാസ് റൂറല്‍ ജില്ലാ പോലിസ് മേധാവിക്ക് നിര്‍ദേശം നല്‍കിയത്.
പെരുമ്പാവൂര്‍ സ്വദേശിനിയായ വിദ്യാര്‍ഥിനിയെയാണ് വീട്ടുതടങ്കലിലാക്കിയത്. വിദ്യാര്‍ഥിനി കഴിഞ്ഞ കുറെ ദിവസങ്ങളായി ക്ലാസില്‍ വന്നിരുന്നില്ല. സഹപാഠികള്‍ നടത്തിയ അനേ്വഷണത്തില്‍ വിദ്യാര്‍ഥിനിയുടെ താല്‍പര്യങ്ങള്‍ക്ക് വിരുദ്ധമായി വീട്ടുതടങ്കലില്‍ പാര്‍പ്പിച്ചിരിക്കുകയാണെന്നറിഞ്ഞു.  വിദ്യാര്‍ഥിനി ക്ഷീണിതയാണെന്ന് പരാതിയില്‍ പറയുന്നു. വിദ്യാഥിനിക്ക് പഠിക്കാനാണ് താല്‍പര്യം. മാര്‍ച്ച് 31ന് സെമസ്റ്റര്‍ അവസാനിക്കും. ക്ലാസില്‍ വന്നില്ലെങ്കില്‍ പരീക്ഷ എഴുതാനാവില്ല. കുട്ടിയെ രക്ഷകര്‍ത്താക്കളാണ് തടങ്കലില്‍ പാര്‍പ്പിച്ചിരിക്കുന്നത്. പഠിത്തം മതിയാക്കി വിവാഹം കഴിപ്പിക്കുന്നതിനു വേണ്ടിയാണത്രേ  ഇത്. പരാതിക്കാരിയുടെ പേരില്ലെങ്കിലും പരാതി സംഗതി അതീവ ഗൗരവകരമാണെന്ന് കമ്മീഷന്‍ ഉത്തരവില്‍ പറഞ്ഞു.
എറണാകുളം ജില്ലാ റൂറല്‍ പോലിസ് മേധാവി സംഭവം ഗൗരവമായി കണക്കിലെടുത്ത് സത്യസന്ധമായ രീതിയില്‍ അനേ്വഷണം നടത്തണമെന്ന് കമ്മീഷന്‍ ആവശ്യപ്പെട്ടു. കേസ് ഏപ്രില്‍ 16ന് എറണാകുളത്ത് നടക്കുന്ന സിറ്റിങില്‍ പരിഗണിക്കും.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss