|    Jun 18 Mon, 2018 8:37 pm
FLASH NEWS

വിദ്യാര്‍ഥിനിയെ പീഡിപ്പിച്ച കേസില്‍ യുവാവ് അറസ്റ്റില്‍

Published : 10th December 2017 | Posted By: kasim kzm

നിലമ്പൂര്‍: പതിമൂന്നുകാരിയായ വിദ്യാര്‍ഥിനിയെ പീഡിപ്പിച്ച ചെയ്ത കേസില്‍ യുവാവ് അറസ്റ്റില്‍. വാണിയമ്പലം ശാന്തി തണ്ടുപാറക്കല്‍ നിഷാ(28)നെയാണ് നിലമ്പൂര്‍ സിഐ കെ എം ബിജു അറസ്റ്റ് ചെയ്തത്. പൂക്കോട്ടുംപാടത്തുള്ള പെണ്‍കുട്ടിയുടെ വീട്ടില്‍ മാതാവ് ഇല്ലാത്ത സമയത്ത് അതിക്രമിച്ച് കയറി ബലാല്‍സംഗം ചെയ്തുവെന്നാണ് കേസ്. ദിവസങ്ങള്‍ക്കുശേഷം ശാരീരിക അസ്വസ്ഥത പ്രകടിപ്പിച്ച കുട്ടി മാതാവിനോട് കാര്യം പറയുകയും മാതാവ് ചൈല്‍ഡ്‌ലൈന്‍ പ്രവര്‍ത്തകരെ വിവരമറിയിക്കുകയും ചെയ്തു. പൂക്കോട്ടുംപാടം പോലിസ് രജിസ്റ്റര്‍ ചെയ്ത കേസ് നിലമ്പൂര്‍ സിഐക്ക് കൈമാറുകയായിരുന്നു. ബേക്കറി ബിസിനസ് നടത്തുന്ന പ്രതിക്ക് വീട്ടുകാരുമായി പരിചയമുള്ളതായി പോലിസ് പറഞ്ഞു. ഇയാള്‍ക്ക് ഭാര്യയും കുട്ടിയുമുണ്ട്. എന്നാല്‍, വീടുമായി അകന്നുകഴിയുകയായിരുന്നു. കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss