|    May 30 Tue, 2017 11:05 am
FLASH NEWS

വിദ്യാര്‍ഥിനിയുടെ ആത്മഹത്യാശ്രമം: മാനസിക പീഡനമെന്ന് ബന്ധുക്കള്‍

Published : 8th June 2016 | Posted By: SMR

മാനന്തവാടി: നഴ്‌സിങ് വിദ്യാര്‍ഥിനി വിഷം കഴിച്ച് ആത്മഹത്യ—ക്കു ശ്രമിച്ചത് പഠനസ്ഥാപനത്തില്‍ നിന്നുള്ള മാനസിക പീഡനം മൂലമാണെന്നു ബന്ധുക്കള്‍ ആരോപിച്ചു. സുല്‍ത്താന്‍ ബത്തേരിയിലെ സ്വകാര്യ നഴ്‌സിങ് സ്ഥാപനത്തില്‍ ഒന്നാംവര്‍ഷ ജനറല്‍ നഴ്‌സിങിന് പഠിക്കുന്ന എടവക കുന്നുമംഗലം സ്വദേശിനിയാണ് മെര്‍ക്കുറി കഴിച്ച് ആത്മഹത്യ—ക്ക് ശ്രമിച്ചത്. തിങ്കളാഴ്ച വൈകീട്ടോടെയാണ് സംഭവം. വിദ്യാര്‍ഥിനിയെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചിരിക്കുകയാണ്. കോളജിലെ മുതിര്‍ന്ന വിദ്യാര്‍ഥികള്‍ റാഗിങിന്റെ ഭാഗമായി മാനസികമായി പീഡിപ്പിച്ചിരുന്നതായി കുട്ടി രക്ഷിതാക്കളോട് പരാതിപ്പെട്ടിരുന്നു. ഇതുപ്രകാരം കോളജിലെത്തി അധികൃതരെ വിവരം അറിയിച്ചെങ്കിലും നടപടികളുണ്ടായില്ലെന്നു രക്ഷിതാക്കള്‍ പറഞ്ഞു. പരാതിയെ തുടര്‍ന്ന് വിദ്യാര്‍ഥിനിയെ ഒറ്റപ്പെടുത്തി പീഡിപ്പിച്ചു. ഇതിനെ തുടര്‍ന്നാണ് ആത്മഹത്യാ ശ്രമമുണ്ടായതെന്നാണ് ബന്ധുക്കളുടെ ആരോപണം. മെഡിക്കല്‍ കോളജ് പോലിസിലും ഇതേ മൊഴിയാണ് നല്‍കിയിരുന്നത്. എന്നാല്‍, കുട്ടിയെ മാനസികമായി പീഡിപ്പിക്കുകയോ റാഗിങിന് വിധേയമാക്കുകയോ ചെയ്തതായി യാതൊരു പരാതിയും ലഭിച്ചിട്ടില്ലെന്നു കോളജ് അധികൃതര്‍ പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day