|    Dec 16 Sat, 2017 2:47 pm
FLASH NEWS
Home   >  Todays Paper  >  Page 4  >  

വിദ്യാര്‍ഥിനിക്ക് ഡിഫ്ത്തീരിയ സ്ഥിരീകരിച്

Published : 2nd December 2017 | Posted By: kasim kzm

ചുകണ്ണൂര്‍: കണ്ണൂര്‍ ജില്ലയില്‍ വീണ്ടും ഡിഫ്ത്തീരിയ (തൊണ്ടമുള്ള്) സ്ഥിരീകരിച്ചു. മലയോര മേഖലയായ പേരാവൂരിലെ സ്വകാര്യ ഇംഗ്ലീഷ് മീഡിയം സ്‌കൂളിലെ വിദ്യാര്‍ഥിനിക്കാണു രോഗം സ്ഥിരീകരിച്ചത്. ഗുരുതരാവസ്ഥയിലായ കുട്ടി കോഴിക്കോട്ടെ സ്വകാര്യ ആശുപത്രിയിലെ തീവ്രപരിചരണ വിഭാഗത്തില്‍ ചികില്‍സയിലാണ്. സ്‌കൂളില്‍നിന്നു ബംഗളൂരുവില്‍ വിനോദയാത്ര പോയി തിരിച്ചെത്തിയ ശേഷം കുട്ടിക്ക് കടുത്ത പനി അനുഭവപ്പെട്ടിരുന്നു. രോഗം മൂര്‍ച്ഛിച്ചതിനാല്‍ കോഴിക്കോട്ടേക്ക് മാറ്റുകയായിരുന്നു. വിദഗ്ധ പരിശോധനയിലാണ് ഡിഫ്ത്തീരിയ സ്ഥിരീകരിച്ചത്. കുട്ടിക്ക് ആന്റിടോക്‌സിന്‍ മരുന്ന് എത്തിച്ചുനല്‍കിയതായി കണ്ണൂര്‍ ഡിഎംഒയും ജില്ലാ ആര്‍സിഎച്ച് ഓഫിസറും അറിയിച്ചു. വിദ്യാര്‍ഥിനിക്ക് നേരത്തേ ദേശീയ രോഗപ്രതിരോധ പട്ടിക പ്രകാരമുള്ള കുത്തിവയ്പുകള്‍ എടുത്തിരുന്നു. പ്രതിരോധശക്തി കുറഞ്ഞതാവാം രോഗത്തിനു കാരണമെന്നാണ് ആരോഗ്യവകുപ്പിന്റെ നിഗമനം.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക