|    Sep 22 Sat, 2018 10:44 pm
FLASH NEWS

വിദ്യാര്‍ഥികള്‍ക്ക് സൗഹൃദ യാത്രയൊരുക്കാന്‍ മിഷാല്‍ സ്വകാര്യ ബസ്

Published : 28th May 2018 | Posted By: kasim kzm

ചാലക്കുടി: കണ്‍സഷന്റെ പേരില്‍ വിദ്യാര്‍ത്ഥികളും ബസ്സ് ജീവനക്കാരും തമ്മില്‍ വഴക്കിടുന്ന പതിവ് കാഴ്ചകള്‍ ഇനി മിഷാല്‍ഗ്രപ്പിന്റെ ബസ്സുകളിലുണ്ടാകില്ല. വിദ്യാര്‍ത്ഥി സൗഹൃദ ബസ്സ് യാത്രയൊരുക്കുകയാണ് മിഷാല്‍ ഗ്രൂപ്പ് ഉടമകളും സഹോദരങ്ങളുമായ മിന്‍ഹാജ് എം.കെ.യും മനോജ് എം.കെ.യും.
ഈ അധ്യയന വര്‍ഷത്തെ ആദ്യത്തെ ഒരാഴ്ച ഇവരുടെ ഉടമസ്ഥതയിലുള്ള നാല് ബസ്സുകളിലും വിദ്യാര്‍ത്ഥികള്‍ക്ക് യാത്ര സൗജന്യമായിരിക്കും. നിര്‍ദ്ധനരാണെന്ന് ബന്ധപ്പെട്ടവരുടെ ശുപാര്‍ശ ലഭിച്ചാല്‍ അധ്യയന വര്‍ഷം മുഴുവനും അര്‍ഹരായ വിദ്യാര്‍ത്ഥികള്‍ക്ക് സൗജന്യയാത്ര ഒരുക്കും.
കൊന്നക്കുഴി-ചാലക്കുടി-മാള, മാമ്പ്ര-ചാലക്കുടി-ഇരിങ്ങാലക്കുട, പുത്തന്‍വേലിക്കര-മാള-ഇരിങ്ങാലക്കുട, ചാലക്കുടി-മാള-പുത്തന്‍വേലിക്കര എന്നിങ്ങനെ നാല് റൂട്ടുകളിലാണ് ഇവരുടെ ബസ്സുകള്‍ സര്‍വ്വീസ് നടത്തുന്നത്.
ബസ്സ് ജീവനക്കാരും വിദ്യാര്‍ത്ഥികളും തമ്മിലുള്ള വഴക്കടികള്‍ക്ക് പകരം സൗഹൃദം വളര്‍ത്തുകയാണ് ഈ പദ്ധതിയുടെ ലക്ഷ്യമെന്ന് ഇവര്‍ പറയുന്നു.
നേര്‍ത്തെ ചികിത്സാ ധനസഹായത്തിനും, ഭവനനിര്‍മ്മണ സഹായത്തിനും മിഷാല്‍ ഗ്രൂപ്പിന്റെ ബസ്സുകള്‍ സൗജന്യയാത്ര നടത്തി ശ്രദ്ധനേടിയിട്ടുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss