|    Mar 30 Thu, 2017 10:19 am
FLASH NEWS

വിദ്യാര്‍ഥികള്‍ക്കായി ജ്യോതിര്‍ഗമയ പദ്ധതി

Published : 27th May 2016 | Posted By: SMR

കോഴിക്കോട്: ആരോഗ്യ രംഗത്ത് ഹോമിയോപ്പതി ചികിത്സാ രീതിയെ അവഗണിക്കാനാകില്ലെന്നും ഹോമിയോ ആശുപത്രികളില്‍ ആധുനിക രീതിയിലുള്ള സൗകര്യങ്ങള്‍ ഉറപ്പുവരുത്തുമെന്നും ജില്ലാ പഞ്ചായത്ത് പ്രസിഡന്റ് ബാബു പറശ്ശേരി. ഹോമിയോ വകുപ്പിന്റെ നേതൃത്വത്തില്‍ 12 വയസ്സു മുതല്‍ 15 വരെയുള്ള വിദ്യാര്‍ഥികള്‍ക്കായി പൂത്തൂര്‍ യുപി സ്‌കൂളില്‍ നടന്ന സൗജന്യ ആരോഗ്യ പരിശീലന പരിപാടിയായ ജ്യോതിര്‍ഗമയ പദ്ധതി ഉദ്ഘാടനം ചെയ്യുകയായിരുന്നു അദ്ദേഹം.
വിദ്യാര്‍ഥികളുടെ പഠനം പോലെ തന്നെ ശാരീരിക-മാനസിക ആരോഗ്യകാര്യത്തിലും രക്ഷിതാക്കള്‍ക്ക് ശ്രദ്ധ വേണം. ആരോഗ്യമുള്ള തലമുറയെ സൃഷ്ടിക്കുന്നതിലും ഹോമിയോപ്പതിയുടെ പങ്ക് നിര്‍ണ്ണായകമാണ്. ഹോമിയോ വകുപ്പിന്റെ സീതാലയം, ആയുഷ്മാന്‍ഭവ, സദ്ഗമയ പദ്ധതികള്‍ക്ക് ജില്ലാ പഞ്ചായത്ത് എല്ലാ സഹായവും നല്‍കി വരുന്നുണ്ടെന്നും ജില്ലാ പഞ്ചായത്ത് പ്രസിഡന്റ് പറഞ്ഞു. ജില്ലാ മെഡിക്കല്‍ ഓഫീസര്‍ ഡോ. കവിത പുരുഷോത്തമന്‍ അധ്യക്ഷത വഹിച്ചു. ഡോ. എം പ്രേമചന്ദ്രന്‍, ഡോ. ഇ ജെ സ്മിത എന്നിവര്‍ പദ്ധതി വിശദീകരിച്ചു. ഹെഡ്മാസ്റ്റര്‍ ശശി കോളോത്ത്, രജീന്ദ്രന്‍ സംസാരിച്ചു

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day