|    Jan 23 Mon, 2017 1:47 am
FLASH NEWS

വിദ്യാര്‍ഥികളെ കുത്തിനിറച്ച് സര്‍വീസ്: 16 വാഹനങ്ങള്‍ പിടികൂടി

Published : 3rd June 2016 | Posted By: SMR

മട്ടാഞ്ചേരി: വിദ്യാര്‍ഥികളെ കുത്തിനിറച്ച് സര്‍വീസ് നടത്തിയ 16 വാഹനങ്ങള്‍ മോട്ടോര്‍ വാഹന വകുപ്പ് പിടികൂടി. കൊച്ചി നേവല്‍ ബേസിലെ കേന്ദ്രീയ വിദ്യാലയത്തിലേക്ക് വിദ്യാര്‍ഥികളുമായി പോയ വാഹനങ്ങളാണ് പിടികൂടിയത്.
17 സീറ്റിന്റെ ടെമ്പോ ട്രാവലറില്‍ 43 കുട്ടിക്കളെ കുത്തിനിറച്ചിരുന്നതായി ഉദ്യോഗസ്ഥര്‍ പറഞ്ഞു.
പിടികൂടിയ എല്ലാ വാഹനങ്ങളിലും നിശ്ചിത പരിധിയിലും മൂന്നിരട്ടിയിലേറെ കുട്ടികളെ കുത്തിനിറച്ചിരുന്നു.
17 സീറ്റുളള ഒരു വാഹനത്തില്‍ 12 വയസ്സില്‍ താഴെയുള്ള 21-23 കുട്ടികളെ വരെ കയറ്റാവുന്നതാണ്. അനധികൃതമായി കുട്ടികളുമായി സര്‍വീസ് നടത്തിയ വാഹനങ്ങളുടെ ഡ്രൈവര്‍മാരെ ജെആര്‍ടി ഓഫിസിലേക്ക് വിളിപ്പിച്ചിട്ടുണ്ട്.
യാത്ര തുടരുന്ന പക്ഷം ഇക്കൂട്ടരുടെ ലൈസന്‍സ് സസ്‌പെന്റ് ചെയ്യല്‍ നടപടി സ്വീകരിക്കുമെന്ന് ഉദ്യോഗസ്ഥര്‍ പറഞ്ഞു. വരും ദിവസങ്ങളിലും പരിശോധന തുടരും. ജോയിന്റ് ആര്‍ടിഓ ജി അനന്തമൂര്‍ത്തി, ഉദ്യോഗസ്ഥരായ ജെ ബി ചെറിയാന്‍, അബ്ദുല്‍ റഹ്മാന്‍, സ്മിത ജോസ്, സി ഗോപീശങ്കരന്‍, ബിജോയ് പീറ്റര്‍ പരിശോധനയില്‍ പങ്കെടുത്തു.

Share on FacebookShare on Google+Tweet about this on TwitterShare on LinkedIn
(Visited 40 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക