|    Aug 20 Mon, 2018 1:06 pm
FLASH NEWS

വിദ്യാഭ്യാസ സ്ഥാപനങ്ങളുടെ പരിസരത്ത് പോലിസ് പരിശോധന നിരവധി പേര്‍ അറസ്റ്റില്‍

Published : 7th July 2018 | Posted By: kasim kzm

കൊല്ലം: ജില്ലയിലെ സ്‌കൂളുകള്‍, കോളജുകള്‍, ബസ് സ്റ്റാന്‍ഡുകള്‍ റെയില്‍വേ സ്റ്റേഷനുകള്‍ ഷോപ്പിങ് മാളുകള്‍, പ്രധാനപ്പെട്ട ജങ്ഷനുകള്‍ തുടങ്ങി ജനങ്ങള്‍ കൂടുന്ന സ്ഥങ്ങളില്‍ പെണ്‍കുട്ടികള്‍ക്കെതിരെയുള്ള കുറ്റകൃത്യങ്ങള്‍ തടയുന്നതിനും പൂവാലശല്യം, ഇരുചക്രവാഹനങ്ങളുടെ അമിതവേഗത തുടങ്ങിയവയ്‌ക്കെതിരെ നിയമപരമായ നടപടികള്‍ സ്വീകരിക്കുന്നതിനുമായി ഓപറേഷന്‍ ഫഌവര്‍ ടെയില്‍  എന്ന പേരില്‍ പോലിസ് നടത്തിയ പരിശോധനയില്‍ 71 പേര്‍ക്കെതിരേ  നിയമ നടപടികള്‍ സ്വീകരിച്ചു. ജില്ലയില്‍ വിവിധ കേന്ദ്രങ്ങളിലായി നടത്തിയ  പ്രത്യേക പരിശോധനയില്‍ വിദ്യാഭ്യാസ സ്ഥാപനങ്ങളുടെ സമീപം പെണ്‍കുട്ടികള്‍ക്കെതിരെയുള്ള കുറ്റകൃത്യങ്ങള്‍ക്കെതിരേ ഏഴു കേസുകള്‍  വിവിധ പോലിസ് സ്റ്റേഷനുകളില്‍ രജിസ്റ്റര്‍ ചെയ്തു. വിദ്യാഭ്യാസ സ്ഥാപനങ്ങളുടെ പരിസരത്ത് അമിതവേഗത്തിലും മദ്യപിച്ചും വാഹനം ഓടിച്ചതിന് 59 പേര്‍ക്കെതിരേയും വിദ്യാഭ്യാസ സ്ഥാപനങ്ങളുടെ പരിസരത്ത് മദ്യപിച്ച് കലഹം ഉണ്ടാക്കിയതിനും കലാലയപരിസരങ്ങളില്‍ മദ്യപിച്ചതിനും 10 പേര്‍ക്കെതിരേയും കേസെടുത്തു. വിദ്യാഭ്യാസ സ്ഥാപനങ്ങളുടെ പരിസരത്ത് വാഹന പരിശോധന നടത്തിയതില്‍ മതിയായ രേഖകളില്ലാത്ത 13 വാഹനങ്ങള്‍ കണ്ടെടുത്തു. ഇതുമായി ബന്ധപ്പെട്ട് കോടതികള്‍ മുഖേന നിയമ നടപടികള്‍ സ്വീകരിക്കുമെന്ന് പോലിസ് പറഞ്ഞു.
കൊല്ലം: സിറ്റി പോലിസ് കമ്മീഷണറുടെ നിര്‍ദേശപ്രകാരം കഴിഞ്ഞ ദിവസം രാവിലെ എട്ടുമുതല്‍ വൈകീട്ട് അഞ്ചുവരെയായിരുന്നു പരിശോധന.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss