|    Aug 21 Tue, 2018 3:36 am
FLASH NEWS
Home   >  Todays Paper  >  page 7  >  

വിജയികളെ തീരുമാനിച്ച് ശിരാഹട്ടി വീണ്ടും

Published : 16th May 2018 | Posted By: kasim kzm

ബംഗളൂരു: ശിരാഹട്ടി അങ്ങിനെയാണ്. എപ്പോഴും വിജയികളോടൊപ്പം മാത്രമേ നില്‍ക്കൂ. ശിരാഹട്ടിയില്‍ ജയിക്കുന്നവര്‍ കര്‍ണാടക പിടിക്കും, അങ്ങനെയാണ് നാട്ടുകാര്‍ പറയുക. സംസ്ഥാനത്തു ഭൂരിപക്ഷം ലഭിക്കുന്ന പാര്‍ട്ടിയോടൊപ്പം നില്‍ക്കുകയെന്ന പതിവ് ശിരാഹട്ടി മണ്ഡലം ഇക്കുറിയും തെറ്റിച്ചില്ല.
ബിജെപിയുടെ രാമപ്പ സൊബെപ്പ ലമനിയാണു ശിരാഹട്ടിയില്‍ വിജയിച്ചിരിക്കുന്നത്. കോണ്‍ഗ്രസ്സിലെ ദൊഡ്ഡമണി രാമകൃഷ്ണ ശിദിലിംഗപ്പയാണു രണ്ടാംസ്ഥാനത്തുള്ളത്. ഉത്തര പടിഞ്ഞാറന്‍ കര്‍ണാടകയിലെ ഗഡഗ് ജില്ലയിലുള്ള പഞ്ചായത്തിന്റെ പേരിലാണു ശിരാഹട്ടി മണ്ഡലം അറിയപ്പെടുന്നത്. ഏഴ് നിയമസഭാ തിരഞ്ഞെടുപ്പുകളിലും അഞ്ച് ലോക്‌സഭാ തിരഞ്ഞെടുപ്പുകളിലും ശിരാഹട്ടി കര്‍ണാടകയില്‍ വിജയിച്ച പാര്‍ട്ടിയോടൊപ്പമായിരുന്നു.
2013ലെ നിയസഭാ തിരഞ്ഞെടുപ്പില്‍ 300 വോട്ടിന്റെ നേരിയ മാര്‍ജിനാണ് കോണ്‍ഗ്രസ് ഇവിടെ ജയിച്ചുകയറിയത്. യെല്‍ബുര്‍ഗ, താരികെരെ തുടങ്ങിയവയും വിജയികളോടൊപ്പം നില്‍ക്കുന്ന മണ്ഡലങ്ങളാണ്. ഇവിടെയും ബിജെപി തന്നെയാണു മുന്നില്‍. 100ലേറെ സീറ്റുകള്‍ നേടി ബിജെപി കര്‍ണാടകയിലെ ഏറ്റവും വലിയ ഒറ്റക്കക്ഷിയായിരിക്കുകയാണ്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss