|    Jun 22 Fri, 2018 1:20 am
FLASH NEWS

വിചാരണത്തടവുകാരന്‍ ജയില്‍ ഉദ്യോഗസ്ഥരെ ആക്രമിച്ചു

Published : 22nd April 2018 | Posted By: kasim kzm

പാലക്കാട്: സെല്‍ മാറ്റിയതില്‍ ക്ഷുഭിതനായ കൊലക്കേസ് പ്രതി ജയില്‍ ഉദ്യോഗസ്ഥരെ ആക്രമിച്ചു. പാലക്കാട് സബ് ജയിലില്‍ ഇന്നലെയാണ് സംഭവം. രാവിലെ പത്തോടെ സെല്ലില്‍നിന്ന് മറ്റൊരു സെല്ലിലേക്ക് മാറ്റാന്‍ എത്തിയ ഉദ്യോഗസ്ഥരെയാണ് റിമാന്‍ഡില്‍ കഴിയുന്ന വിഷ്ണു(25) ആക്രമിച്ചത്.
ആക്രമണത്തില്‍ പോള്‍ സെല്‍വരാജ്, രാജേഷ്, സിബു എന്നിവര്‍ക്ക് പരിക്കേറ്റു. ഇവര്‍ക്ക് പ്രാഥമിക ചികില്‍സ നല്‍കി. മൂന്ന് വര്‍ഷമായി ഇയാള്‍ പാലക്കാട് സബ് ജയിലിലെ റിമാന്‍ഡ് തടവുകാരനാണ്.
ഇയാള്‍ കഴിഞ്ഞ കുറച്ചു ദിവസമായി ആക്രമണ സ്വഭാവം കാണിച്ചിരുന്നതായി സൂചനയുണ്ട്. ജയില്‍ ഉദ്യോഗസ്ഥരെ ആക്രമിച്ചതിന് ഇയാള്‍ക്കെതിരേ പാലക്കാട് സൗത്ത് പോലിസ് കേസെടുത്തു. നിരവധി കേസുകളില്‍ പ്രതിയായ വിഷ്ണു പാലക്കാട് സിവില്‍ സ്‌റ്റേഷന് സമീപമാണ് താമസിച്ചിരുന്നത്. ചെറുപ്പത്തിലേ മാതാപിതാക്കള്‍ ഉപേക്ഷിച്ചുപോയ ഇയാള്‍ ഏറെക്കാലം തൃശൂര്‍ ജുവനൈല്‍ ഹോമിലായിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss