|    Mar 23 Thu, 2017 5:56 am
FLASH NEWS

വിക്‌ടോറിയയിലെ സമാന്തര കല്ലറ: മനുഷ്യാവകാശ കമ്മീഷന്‍ കേസെടുത്തു

Published : 19th April 2016 | Posted By: SMR

പാലക്കാട് : വിക്‌ടോറിയ കോളജ് പ്രിന്‍സിപ്പല്‍ സര്‍വീസില്‍ നിന്നും വിരമിക്കുന്ന ദിവസം ചിലര്‍ സമാന്തര കല്ലറയുണ്ടാക്കി റീത്ത് വച്ച സംഭവത്തില്‍ സംസ്ഥാന മനുഷ്യാവകാശ കമ്മീഷന്‍ അംഗം കെ മോഹന്‍കുമാര്‍ കേസെടുത്തു.
ജില്ലാ പോലിസ് മേധാവിയും കോളജ് വിദ്യാഭ്യാസ ഡയറക്ടറും സംഭവത്തെകുറിച്ച് അന്വേഷിച്ച് രണ്ടാഴ്ചക്കകം മറുപടി നല്‍കണമെന്ന് കമ്മീഷന്‍ നോട്ടീസില്‍ ആവശ്യപ്പെട്ടു. പാലക്കാട് മുടപ്പല്ലൂര്‍ സ്വദേശി കെ വി പ്രസന്നകുമാര്‍ സമര്‍പ്പിച്ച കേസിലാണ് നടപടി. സംഭവത്തില്‍ കാംപസിനകത്തും പുറത്തുമുള്ളവര്‍ക്ക് ബന്ധമുണ്ടെന്ന് പരാതിയില്‍ പറയുന്നു. ഒരു വിദ്യാര്‍ഥി പ്രസ്ഥാനത്തിന്റെ ഒടുവിലത്തെ ഇരയാണ് 26 വര്‍ഷത്തെ സേവനത്തിനു ശേഷം വിരമിച്ച ഡോ. സരസു.
തങ്ങളുടെ ഇംഗിതത്തിന് വഴങ്ങാത്തവരെ കായികമായി നേരിടുന്നതാണ് സംഘടനയുടെ ശീലമെന്ന് പരാതിയില്‍ പറയുന്നു. ഡോ. സരസുവിന്റെ പരാതി കണക്കിലെടുത്ത് നിസാര കേസ് മാത്രമാണ് പോലിസ് രജിസ്റ്റര്‍ ചെയ്തതെന്നും പരാതിയില്‍ പറയുന്നു. കല്ലറ നിര്‍മിച്ചവര്‍ ഇന്നത്തെ ഹീറോകളാണെന്നും പരാതിയില്‍ പറയുന്നു.

(Visited 48 times, 1 visits today)
thanur-inner madani-inner abdulla-iner     PER Mazhappody-inner karimbu-inner                  
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക