|    Jul 24 Mon, 2017 4:21 pm

വാഹന മോഷ്ടാക്കള്‍ പിടിയില്‍

Published : 21st March 2016 | Posted By: SMR

ആലുവ: കൊച്ചി ഷിപ്‌യാര്‍ഡ് ഭാഗത്തുനിന്നും മോഷ്ടിച്ച ബൈക്കുമായി തമിഴ്‌നാട് സ്വദേശികളായ വാഹന മോഷ്ടാക്കള്‍ ആലുവയില്‍ പിടിയിലായി.
ശനിയാഴ്ച്ച രാത്രി 9.30 ഓടെ ആലുവ പുളിഞ്ചോട് ജങ്ഷനില്‍ വാഹനപരിശോധന നടത്തി വരവെ അമിതവേഗതയില്‍ നിര്‍ത്താതെ വെട്ടിച്ചു കടന്ന മോട്ടോര്‍ സൈക്കിളിനെ ജീപ്പില്‍ പിന്‍തുടര്‍ന്ന് ബൈപ്പാസ് ജങ്ഷനില്‍ വച്ച് തടഞ്ഞു നിര്‍ത്തി. ചോദ്യം ചെയ്തപ്പോള്‍ ബൈക്ക് കൊച്ചി ഷിപ്‌യാര്‍ഡ് ഭാഗത്തുനിന്നും മോഷ്ടിച്ചതാണെന്നും തമിഴ്‌നാട്ടില്‍ കൊണ്ടുപോയി പൊളിച്ചു വില്‍ക്കാനാണെന്നും സമ്മതിച്ചു. ദിണ്ഡിക്കല്‍ ആര്‍എസ്‌വി നഗറില്‍ ജയരാജ കോളനിയിലെ മുനിയപ്പന്‍ (19), രാജു(19)എന്നിവരെയാണ് അറസ്റ്റു ചെയ്തത്.
ഓട്ടോ മൊബൈല്‍ മെക്കാനിക്കായ മുനിയപ്പന്‍, പാര്‍ക്ക് ചെയ്ത് വയ്ക്കുന്ന വാഹനത്തിന്റെ കേബിള്‍ പൊട്ടിച്ച് വാഹനം മോഷ്ടിക്കുന്നത്. മറ്റ് സ്ഥലങ്ങളില്‍ നിന്നും ഇത്തരത്തില്‍ കളവുകള്‍ നടത്തിയിട്ടുണ്ടോ എന്ന് അന്വേഷിച്ചു വരുന്നതായി എസ്എച്ച്ഒ ഹണി കെ ദാസ് അറിയിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക