|    May 23 Wed, 2018 8:09 pm
FLASH NEWS

വാഹനാപകടത്തില്‍ പരിക്കേറ്റ രണ്ടുപേര്‍ക്ക് 53,53,100 രൂപ നഷ്ടപരിഹാരം നല്‍കാന്‍ വിധി

Published : 10th May 2018 | Posted By: kasim kzm

വിദ്യാനഗര്‍: വാഹനാപകടത്തില്‍ പരിക്കേറ്റ രണ്ടുപേര്‍ക്ക് 53,53,100 രൂപ നഷ്ടപരിഹാരം നല്‍കാന്‍ വാഹനാപകട തര്‍ക്കപരിഹാര ഫോറം വിധിച്ചു. ഹൊസ്ദുര്‍ഗ് ഹരിപുരം വേലേശ്വരം എടപ്പണിയിലെ പി കൃഷ്ണന്റെ മകനും വിദ്യാര്‍ഥിയുമായ എ ശരത്തി(17)ന് 31,25,700 രൂപ യൂനൈറ്റഡ് ഇന്ത്യ ഇന്‍ഷുറന്‍സ് കമ്പനിയുടെ പൊള്ളാച്ചി ശാഖ നല്‍കണം.
2015 ജൂണ്‍ മൂന്നിന് പുല്ലൂര്‍ പാലത്തിനടുത്ത് വച്ച് ശരത് പിന്‍സീറ്റില്‍ ഇരുന്ന് സഞ്ചരിക്കുകയായിരുന്ന ബൈക്കില്‍ ലോറിയിടിച്ച് സാരമായി പരിക്കേറ്റ സംഭവത്തിലാണ് നഷ്ടപരിഹാരം.
2015 ഏപ്രില്‍ 11ന് ബളാല്‍ മാങ്കയത്ത് വച്ച് മാരുതി കാറിടിച്ച് പരിക്കേറ്റ സ്‌കൂട്ടര്‍ യാത്രക്കാരന്‍ കരിമ്പംമണിപ്പാറ സ്വദേശിയും ഇലക്ട്രീഷ്യനുമായ നോബിള്‍ ജോസഫി(27)ന് 22,27,400 രൂപയും നഷ്ടപരിഹാരം നല്‍കാനാണ് വിധി. നാഷനല്‍ ഇന്‍ഷുറന്‍സ് കമ്പനി കാസര്‍കോട് ശാഖയാണ് നഷ്ടപരിഹാരം നല്‍കേണ്ടത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss