|    Apr 23 Mon, 2018 7:25 pm
FLASH NEWS
Home   >  National   >  

വാഹനാപകടത്തിന് കാരണം നല്ല റോഡുകള്‍: ബിജെപി നേതാവ്

Published : 8th March 2018 | Posted By: mi.ptk

പട്‌ന:  വാഹനാപകടങ്ങള്‍ വര്‍ധിക്കാന്‍ കാരണം നല്ല റോഡുകളാണെന്ന് ബിജെപി നേതാവും ബീഹാര്‍ ഉപമുഖ്യമന്ത്രിയുമായ സുശീല്‍ കുമാര്‍ മോഡി. കഴിഞ്ഞ ദിവസം ബസ് ജെസിബിയില്‍ ഇടിച്ച് അഞ്ച് പേര്‍ മരിക്കാനിടയായ സംഭവത്തില്‍ പ്രതികരിക്കവെയാണ് സുശീല്‍ മോഡിയുടെ പ്രസ്താവന.

ബീഹാറിലെ റോഡുകള്‍ പഴയതിനേക്കാള്‍ മെച്ചപ്പെട്ടതും ഡ്രൈവര്‍മാരുടെ അമിത വേഗതയുമാണ് അപകടങ്ങള്‍ വര്‍ധിക്കാന്‍ കാരണമെന്ന് മോഡി പറഞ്ഞു. ഇത്തരം അപകടങ്ങള്‍ സര്‍ക്കാര്‍ ഗൗരവത്തോടെ കാണുന്നുവെന്നും ഡ്രൈവര്‍മാരുടെ അച്ചടക്കം ഉറപ്പുവരുത്തുന്നതിനും അമിത വേഗത നിയന്ത്രിക്കുന്നതിനും പുതിയ നിയമം കൊണ്ടുവരുമെന്നും മോഡി പറഞ്ഞു.
ബീഹാറില്‍ ഒരു മാസത്തിനിടെ മൂന്ന് വലിയ അപകടങ്ങളാണുണ്ടായത്. ബസില്‍ ജെ.സി.ബി ഇടിച്ചുണ്ടായ അപകടത്തിന് പിന്നാലെ ബി.ജെ.പി നേതാവ് ഓടിച്ച എസ്.യു.വി ഇടിച്ച് ഒന്‍പത് കുട്ടികള്‍ മരിച്ചിരുന്നു. 19ന് പാട്‌നയില്‍ ബസ് മറിഞ്ഞ് 10 പേര്‍ മരിക്കുകയും 35ഓളം പേര്‍ക്ക് പരുക്കേല്‍ക്കുകയും ചെയ്തിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss