|    Jan 21 Sat, 2017 7:36 am
FLASH NEWS

വാഹനാപകടം: നഷ്ടപരിഹാരമായി 24.89 ലക്ഷം അനുവദിച്ചു

Published : 9th February 2016 | Posted By: SMR

തിരുവല്ല: വാഹനാപകടത്തില്‍ പരുക്കേറ്റ കുറ്റപ്പുഴ തൈപ്പറമ്പില്‍ ജോസഫ് തോമസിന് പലിശയും കോടതി ചെലവുകളും സഹിതം 24.89 ലക്ഷം രൂപ നഷ്ടപരിഹാരം അനുവദിച്ചുകൊണ്ട് പത്തനംതിട്ട അഡീഷനല്‍ ജില്ലാ ജഡ്ജിയും മോട്ടോര്‍ ആക്‌സിഡന്റ് ക്ലെയിം ട്രൈബ്യൂണലുമായ ബി വിജയന്‍ ഉത്തരവായി.
റിലയന്‍സ് ജനറല്‍ ഇന്‍ഷുറന്‍സ് കമ്പനി നഷ്ടപരിഹാര തുക ഒരു മാസത്തിനുള്ളില്‍ കെട്ടിവയ്ക്കാനാണ് അവാര്‍ഡില്‍ വ്യവസ്ഥ ചെയ്തിട്ടുള്ളത്. 2014 ഡിസംബര്‍ നാലിന് കടപ്രയില്‍ വച്ച് ജോസഫ് തോമസ് ഓടിച്ച മോട്ടോര്‍ സൈക്കിളില്‍ മറ്റൊരു മോട്ടോര്‍ സൈക്കിള്‍ ഇടിച്ചായിരുന്നു അപകടം.
അപകടത്തെ തുടര്‍ന്ന് 30 ശതമാനം സ്ഥിര അംഗവൈകല്യം ജോസഫ് തോമസിന് സംഭവിച്ചതായി പത്തനംതിട്ട ജില്ലാ മെഡിക്കല്‍ ബോര്‍ഡ് സര്‍ട്ടിഫിക്കറ്റ് നല്‍കിയിരുന്നു.എന്നാല്‍ കോടതി ഹരജിക്കാരന്റെ പ്രവര്‍ത്തന പരമായ അംഗവൈകല്യം സുപ്രീം കോടതി വിധിയുടെ വെളിച്ചത്തില്‍ 60 ശതമാനമായി കണക്കാക്കിയാണ് നഷ്ടപരിഹാരം അനുവദിച്ചത്.
അവാര്‍ഡ് പാസ്സാക്കിയത്. ജോസഫ് തോമസ് ഇലക്ട്രീഷ്യനും, പ്ലമ്പറും ആയിരുന്നു. അഭിഭാഷകരായ വി വി ഷാജി, പി എസ് അനില്‍കുമാര്‍, സൂരജ് ഷാജി കോടതിയില്‍ ഹരജിക്കാര്‍ക്കു വേണ്ടി ഹാജരായി.

Share on FacebookShare on Google+Tweet about this on TwitterShare on LinkedIn
(Visited 62 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക